tusagassiuutit
KNR illuinnaasiortumik sunniiniartutut Siumumit pisuutinneqarpoq
IA-mut apeqqarissaarneq pissusissamisuunngimmat, radiup pisortaata nassuerutigaa
Siumup Inatsisartuni ilaasortaatitaasa ukiortaami oqaaseqaateqarlutik tusagassiorfiit 2015-imi partiimut isiginninnerat sakkortuumik isornartorsiorpaat.
- Tusagassiorfiit naallerarpaatigut killiligaanatalu oqaaseqarsinnaatitaanitsinnik killilersorluta, illiuatungiliuttulli ajoquserneqaratik qanorsuaq iliorsinnaatitaallutik, Inatsisartuni partiip ilaasortaatitaasa siulittaasuat Jens Immanuelsen oqarpoq.
Ukiumi nutaami sapaatit akunneri arlaqanngitsut ingerlariitsiaannartut, Siumut tamatumuuna KNR-imit eqqunngitsumik imaluunniit eqqunngitsuliorfigineqartutut misigisimaqqilerpoq, radiukkummi uraani pillugu aallakaatitassiami IA kisimiitillugu oqaaseqartinneqarmat.
Atuaruk: Siumut: Tusagassiorfiit nuannarinngilaatigut
Siumut: Aallakaatitassiaq illuinnaasiortoq
Tamanna pissutigalugu Inatsisartuni ilaasortap Suka K. Frederiksenip pineqartoq Naalakkersuisunut saqqummiuppaa, taakkumi KNR-ip ingerlanneqarneranut politikkikkut qullersatut akisussaaffeqarmata.
- Radiukkut aallakaatitassiaq pineqartoq illuatungaannarsiortuuvoq, KNR-illu nassuiaateqarnissaa piumasarineqartariaqarluni. Sunniiniartoqarpoq, aallakaatitassiamilu apersuisoq allaannginnami tassaasoq Siumut sinnerlugu oqaaseqartartoq, Suka K. Frederiksen Naalakkersuisunut saaffiginnissummini ilaatigut taama allappoq.
Kinaassusersiortoq kukkusorlu
Tamanna AG-mut ima oqaatigaa:
- Illuatungiliuttut oqaaseqartinneqassappata, taava aamma uagut aperineqartariaqarpugut. Aallakaatitassiap pineqartup kingorna inunnit amerlasuunit saaffigineqartarpunga oqartunit aallakaatitassiaq illuatungaannarsiortorujussuusoq. Siumup isummersuutigisartagai uteqattaarneqarput, tamakkununngalu aallakaatitsivimmeeqataalluta oqaaseqarfiginissaannut periarfissinneqarata. Tamanna kinaassusersiorneruvoq kukkunerullunilu, Suka K. Frederiksen oqarpoq.
- Kisiannimi KNR-ip aallakaatitsivimminut kikkunnik aggersaanissaanut Siumut imalunniit Naalakkersuisut aalajangiisussaatitaanngillat?
- Aap, isumaqarpungali oqallisigisami taama pingaaruteqartigisumi oqaaseqarnissatsinnut assigiimmik periarfissinneqartariaqartugut.
Isumaginngisaminik isummertinneqartoq
- Tamatumani Siumut nutaarsiassaqartitsivinnut tusagassiorfinnullu nalinginnaasumik kamaatiginniinnanngila?
-Pineqartup tamanut atuuttutut oqaatiginissaa mianersuuttariaqarpoq. Nutaarsiassaqartitsiviit kiffaanngissuseqarput aamma taamaattariaqarput. Kinaassusersiortoqannginnissaali pillugu malinneqartussanik malittarisassaqartariaqarpoq. Matumunnga atatillugu Siumut isumaginngisaminik isummersortinneqaqattaarpoq, Suka K. Frederiksen akivoq.
IA-mut apeqqarissaarneq pissusissamisuunngitsoq, radiomi pisortap Masaana Egedep nassuerutigaa.
Allaaserisaq tamaat AG-imi uani sapaatip-akunnerani saqqummertumi atuaruk, KNR-illu Siumumit isornartorsiutigineqartumut akissutaa atuarlugu. Aviisi pisiniarfimmi imaluunniit uani ataani e-aviisitut pisiarisinnaavat: