ACR
KNI-p Arctic Circle Racemut pingaarnertut aningaasaliisarnini sivitsorpaa
Tallimanngornermi KNI A/S-ip Sisimiuni Kiffartuussiviani naapinnermi ACR-ip siulittaasuata KNI A/S-illu pisortaanera suleqatigiinnissamik 2018-imi aamma 2019-imi
KNI A/S-ip Sisimiuni Kiffartuussiviani naapinnermi ACR-ip siulittaasua nuannaartoq KNI A/S-illu pisortaanera nuannaartoq suleqatigiinnissamik tallimanngormat atsioqatigiipput. Atsioqatigiissutigalugu KNI A/S-ip Arctic Circle Racemut pingaarnertut aningaasalersuisooqataaneranut isumaqatigiissutip sivitsorneqarnera 2018 aamma 2019-imut atuuttussamik.
KNI tusagassiuutinut nalunaarummi taama ilisimatitsivoq.
Aamma atuaruk: Arctic Circle Racemit assit takukkit
2018-imi 250.000 koruunit aningaasaliissutigineqassapput taamatullu aamma 2019-imi 250.000 koruunit aningaasaliissutigineqarumaarlutik.
- Aningaasanngorlugit nalilerneqarsinnaanngitsut
- Nunatsinni aaqqissuussinerit kusanartut tulluusimaarutissaasullu ilagilluinnarpaat ACR. Piumassu-sertik aallaavigalugu ikiuuttartorpassuit aaqqissuussineq piviusunngortittarpaat, tamannalu inuiaqatigiittut perruualaarutigisariaqarparput. ACR aaqqissuussineruvoq issittumi pinngortitarsuarmik kusanassutsiminik asseqanngiusartoq, avatitsinnilu kusanartumik tusaamaneqalersarnitsinnut pissutaaqataalluinnartartoq. Inissaminiippoq aaqqissuussinerit taama ittut unammilligassarpassuaqartartut, inuiaqatigiinnulli aningaasanngorlugit nalilerneqarsinnaanngitsut, suliffeqarfinnit KNI-tut ittunit tapersersorneqartarnissaat, ilaatigut KNI-mi pisortaaneq Peter Grønvold Samuelsen taama oqarpoq.
Sisimiut Arctic Circle Race marsimi ulluni 23.-25.-anni ingerlanneqassaaq.
Aamma atuaruk: Martin Møller Arctic Circle Racemi ajugaavoq