KNI-mi 100 millioninik sinneqartoorneq

KNI ukiumi naatsorsuiffiusumi 2016/2017-imi akileraannginnermi 103 millionit koruuninik sinneqartooruteqarpoq.

Suliffeqarfissuarmit tusagassiuutinut nalunaarummi tamanna atuarneqarsinnaavoq.

Taamaattumik sinneqartoorneq siornatut ippoq, tassani 101 millionit koruuniummata.

Polaroil 65 millionit koruuninik sinneqartoorluni angusanut iluaqutaalluarpoq. Nioqqutissanik pilersuinermi 38 millionit koruuninik sinneqartoortoqarpoq. Taakkunani siornamut sanilliullugu siuarialaartoqarpoq.

- Ukioq naatsorsuuteqarfiusoq 2016/17 ukiuuvoq KNI-mut ineriartorfioqqittoq angusarissaarfiu-sorlu, suliffeqarfissuup periusissiaminik siunniussaqarluni anguniagaqarneranut naapertuuttumik, KNI tusagassiuutinut nalunaarummi allappoq.

Pisortat aningaasaateqarfiinut 60 millionit koruunit
KNI piginnittunut Namminersorlutik Oqartussanut sinneqartoorutit ilaannik 20 millionit koriuuninik akiliivoq. Tamatuma saniatigut suliffeqarfiit akileraarutaannut 25 millionit koruunit, taamatullu sulisut akileraarutaat 80 millionit koruuniupput.

Tamakku saniatigut piffissami 2008-miit 2016 ilanngullugu KNI-p kiffartuussinissamut tunngatillugu Namminersorlutik Oqartussanit 351 millionit koruunit pissarsiarisimavai. Piffissamili tassani marloriaataat qaangerlugit tapeeqataasimavoq. Ilanngaatissat ilanngaatigereerlugit KNI ukiumut 59,5 millionit koruuninik Namminersorlutik Oqartussanut kommuninullu tunniussaqartarpoq.