KNI A/S-ip Tele-Post ajutoornermi pilersaaruteqannginneranik isornartorsiorpaa
Radiokut sakkortusaavik, sisamanngormat attaveeruttoq, maanna attaveqaqqilerpoq. Pilersuisoq pisisartuni pillugit immikkut ittumik ammasariaqarsimavoq. Tele-Post isornartorsiorpaa ajutoornermi pilersaaruteqannginneranik
Arfininngormat ullaakkut teknikerit marluk radiokut sakkortusaavimmut DYE ONE-mut apuupput. Attaveqarnermut atortut tamangajavimmik taarsersorneqarput. Ingerlatsinermut pisortaq Kaj Skytte teknikeriilu ulloq naallugu ulapissimapput.
Maanna radiokut sakkortusaavik iluarsineqarpoq, Tele-Post-illu akornusersuutaasinnaasut ajuusaarutigai.
Attaveqaatitigut ajortoornerup Pilersuisup pisiniarfeqarfiini najugallit Akiliut atorlugu akiliisartut annertuumik eqqorpai. Taakkumi ulluni arlalinngortuni nioqqutissanik pisiniarsinnaasimanngillat aningaasanillu tigusisinnaasimanatik. Ukiuni 15-ini kingullerni attaveqaatitigut ajutoorneq aatsaat taama sivisutigisoq KNI A/S-ip misigaa.
– KNI A/S suliffeqarfiillu allat Sisimiuniittut tassanilu serveriminniittuutillit annertuumik eqqorneqarput – akerlianik Brugsen serveriminik Nuummiittuutilik taama sakkortutigisumik eqqorneqanngitsoq. Attaveqaatit ajutoorneranni taarsiullugu atorneqarsinnaasumik pilersitsinissaminut KNI A/S periarfissaqanngilaq. Taamaattumik ajutoorneq nalaatatsitut ittoq KNI A/S-imut imaannaanngitsorujussuuvoq, kiffartuussagullu nunatsinni innuttaasut ilarujussui eqqorneqarput, taakkumini nioqqutissanik pisiniarsinnaasimanngillat, ikummatissanik pisiniarsinnaasimanatik aningaasanillu tigusisinnaasimanatik, KNI A/S-imi IT-mut pisortaq Anders Gregers Ratzow oqarpoq.
Taanna isumaqarpoqt Tamanna pinngitsoorneqarsimasinnaagaluartoq pisumut matumunnga assingusumik pisoqartillugu ajornartoortoqartillugu malitassamik pilersaarummik data-nillu ingerlaartitsinerup innarlerneqannginneranik qulakkeerinnittussamik Tele Greenland A/S peqarsimasuugaluarpat.