AWG 2016

KNI Arctic Winter Games 2016-mut aningaasaleeqataavoq

Taamaalilluni KNI AWG 2016-imut tapersersuisutut Nanoq sponsoratimik taaneqartumik aningaasaleeqataasunut ilannguppoq

-mi pisortaaneq Peter Grønvold Samuelsen aamma Arctic Winter Games 2016-mi general manageri Maliina Abelsen KNI

Arctic Winter Gamesi Nuummi 2016-mi ingerlanneqartussamut tapersersuisoqaqqippoq.

Tapersersueriaaseq Nanoq naapertorlugu KNI AWG 2016-mik tapersersuivoq.

Suliffeqarfiup tapersersuisutut aningaasaliinera marloqiusaavoq. Aningaasanik toqqaannartumik tapiineruvoq aappaatulli sulisumik ukiumi ataatsimi sivisussusilimmik atukkiinerulluni, taamaalilluni tapersersuineq 1 million koruunit sinnerlugit naleqarluni, taamaalillunilu KNI A/S AWG2016-imut aningaasaliisutut pingaarnertut inissilluni.

- KNI A/S sinnerlugu tulluusimaarutigalugulu nuannaarutigaara AWG2016-imut aningaasaleeqataasut suliffeqarfiit akornanniileratta. Suliniut angisoorujussuuvoq inuusuttortatsinnullu pingaarutilerujussuulluni. AWG2016 kalaallit inuusuttortatsinnut tamatsinnullumi nunarsuatsinnut alakkaamasaqar-nerulernissatsinnik ammaassisuuvoq, KNI A/S-ip pisortaanera Peter Grønvold Samuelsen tusagassiutinut nalunaarummi oqarpoq.

KNI A/S-imi Sulisoqarnermut siunnersorti Inger Eriksen ukioq ataaseq AWG2016-imut atukkiunneqarpoq.

- KNI A/S-ip tapersersuinerujussua nuannaarutigeqaarput, Inger Eriksen-illu tikilluaqqunissaa ukiumilu aggersumi suleqatiginissaa qilanaareqaarput. AWG2016 suliniut angisoorujussuuvoq piareersarnis-saalu nukippassuarnik pisariaqartitsivoq. Taamaattumik ukiumi ataatsimi sulisorisamik pikkorissumik misilittagartuumillu, soorlu Arctic Circle Racemi aaqqissueqataasartutut, atukkiussineq uagutsinnut isumalerujussuuvoq, AWG 2016-mi general manageri Maliina Abelsen oqarpoq.

Powered by Labrador CMS