pilluarit
KNB-mi siulittaasoq sivikitsumik siulittaasooreerluni tunuartoq
Aalipaaraq Kreutzmann Sivert Olsen paarlallugu Kalaallit Nunaanni Brugsenimi siulittaasunngorpoq
- Immikkoortortaqarfiit tatiginninnerat nunannaarutigaara. Sulinissaq qilanaarnarpoq sapinngisaralu tamaat ilaasortat suliffillu kiffartuutissavakka.
Kalaallit Nunaanni Brugsenip maajimi ataatsimeersuarnerani siulittaasunngortup Sivert Olsenip oqaatigai.
'Suliffini pissutigalugu' siulittaasuunerminit tunuartoq nalunaarutigineqarpoq. Sivert Olsen nunatsinni ilisimaneqarluarpoq. Ulluinnarni KNR-mi nutaarsiassaqartitsivimmi Qanoruumi tusagassiortutut sulivoq.
Aalipaaraq Kreutzmann KNB-mi siulittaasunngorpoq.
Maniitsumeersuuvoq 1990-imili Brugsenimiilerluni. Pisiniarfilerisutut allaffimmiusullu ilinniarsimasuuvoq.
- Siunissami suliarineqartussat qilanaaraakka. Iluarsartuusseqqinnissat misissorneqartariaqarput, Aalipaaraq Kreutzmann oqarpoq.
Aalipaaraq Kreutzmann timersornerup silarsuaani ilisimaneqarpq. Timersortartut Kattuffianni siulersuisuni ilaasortaareerpoq taamatuttaat volleyballertartut kattuffianni. Inuusuttuni maannakkut nunanut allanut unammisartunut sungiusaasuuvoq. Aamma nunanut allanut unammisartuunikuuvoq ukiorpaalunni.
Kalaallit Nunaanni Brugsenimi najugaqarfimmini 2002-mi siulersuisuni ilaasortaalerpoq, maannakkullu siulersuisuusuni 2012-mi siulersuisuni ilaasortaalerluni.