20. 01. 2017
  • Dansk
  • Kalaallisut
Friday, January 6, 2017 - 11:09

KNAPK siunnersuinermik isumaginnittunngortoq

KNAPK-mi pisortaq, Petrus Biilmann
Assi.: Leiff Josefsen
Namminersorlutik Oqartussat aalisartunut piniartunullu siunnersuisarneq KNAPK-mut ukiumit nutaamit utertippaat

- Naalakkersuinikkut aalajangiinermik piviusunngortitsivugut, Aalisarnermut Piniarnermullu Naalakkersuisoqarfimmi pisortap tullia, Pollas Lyberth, nassuiaavoq.

Namminersorlutik Oqartussat aalisartunik piniartunillu siunnersuisarneq KNAPK-mit 2004-miilli isumagisarineqarsimasoq januaarip aallaqqaatani 2016-imi isumagisarilerpaat.

- Sipaarniartoqassaaq siunnersuisarnermillu tigusinikkut 1,3 million koruuninik sipaaruteqassaagut, naalakkersuisoqarfiup pisortaa, Jørgen Isak Olsen, taamani oqarpoq.

Siunnersuisarfeqalerneq KNAPK-p taamanilu Namminersornerullutik Oqartussat akornanni kiffartuussinissamut isumaqatigiissuteqarnerup kinguneraa januaarillu aallaqqaataani 2004-mi pilersinneqarluni.

Taamani ukiumoortumik aningaasaliissutigineqartartut 2,4 millioner koruuniupput KNAPK-lu nuna tamakkerlugu inuussutissarsiutigalugu aalisartunut piniartunullu tamanut kattuffinnut allanut ilaasortaaffeqarneq apeqqutaatinnagu pikkorissaasartussanik qaammarsaasartussanillu marlunnik atorfeqartitaqarluni.

KNAPK-lu siunnersuisarfiup Namminersorlutik Oqartussanut nuunneqarneranik isornartorsiuinissamut taamani aamma pinasaanngilaq.

-Aalisaertut atallaarsualerlutik gummersualerlutillu uatsinnut alakkatarnitik sungiusimavaat. Natini kusanartuni taamaaliornissamut akuerineqarnissaat takorlooruminaatsippara, KNAPK-mi pisortaq, Petrus Biilmann, Sermitsiamut taamani oqarpoq.

Sermitsiami atuaqqigit:

Seneste nyheder