isorinninneq
KNAPK: Qineqqusaarutaannaavoq
Qeqertarsuup Tunuani amerlasuunik qaleralittassiinerit KNAPK-p aarlerinartoqartippaa
- Akisussaassuseqanngitsuliorneruvoq.
Taamatut eqikkarneqarsinnaavoq aalisartut piniartullu kattuffiata KNAPKp aamma pinngortitamik illersuiniaqatigiiffiup WWF-ip aappaagu aalisagartassanut isumaqataanatik nalunaarutaat.
AG aviisi taama allappoq.
Pingaartumik Qeqertarsuup Tunuani qaleralinniarneq ernumanartinneqarpoq novemberi tikillugu tulaanneqartut siorna pisarineqartunit 4.000 tonsinik ikinnerummata. Taamaakkaluartoq Qeqertarsuup Tunuani qaleralittassiissutit 9.200 tonsiupput ilisimatuut 6.400 tonsinik pisassiinissaq inassutigigaluaraat. Allaammi ukiormanna pisassiissutit tamakkerneqanngitsuulerput.
- Sinerissap qanittuani qaleralinniarneq Naalakkersuisunit ulorianartorsiortinneqarpoq. Nuanninngitsumik aalajangertariaqarneq takkukkumaarpoq tamannalu aalisartut malugissaqqaarpaat, KNAPK-mi siulittaasoq Henrik Sandgreen oqarpoq.
Allaaserisaq ilaatigut naalakkersuisuoqatigiit suliami avissaartuunnerat pillugu AG aviisimi atuarsinnaavat, aviisi uani pisiariuk: