misissuineq nutaaq

KNAPK: Puisinniartartut ikilinikooqaat

Puisit amiinik EU-mut eqqusseqqusiunnaarneq atuutilermalli nunatsinni piniartut 34 procentimik ikileriarsimasut KNAPK-p misissuinermini erserpoq

2008-mit 2012-mut puisinniartartut qanoq amerlatiginersut, qassinik ukioqarnersut ukiunilu ingerlasuni puisinniartartut qanoq ikiliartortigisimanersut takutitassiami takuneqarsinnaapput. Great Greenlandip paasissutissaanit Piniartut puisinniareernermi tunisinermi isertitagarisartagaat piniartullu puisissimasut qassiunersut. Great Greenlandip paasissutissaanit

Aalisartut piniartullu peqatigiiffiata KNAPK-p misissuinerani paasinarsivoq piniartut ikileriangaatsiarsimasut, tassa 34 procentinik piniartut ikileriarsimammata. EU-mut puisit amiinik eqqusseqqusiunnaarnera pisooqataasoq oqaatigineqarpoq. Inatsit 2010-mi EU-p iluani atulersinneqarpoq, ukiup siuliani inatsip atulernissaa isumaqatigiissutigineqareersoq.

EU-mit naggueqatigiit inuit eqqorneqannginnissaat inatsisiliuunneqaraluartoq nunatsinni piniartut ikileriarsimapput.

Kultureralugu puisinniartartut eqqorneqannginnissaat EU-mit eqqorneqannginnissaat inatsisiliuunneqaraluarpoq.

Puisilli amiinik tunisaqartarneq appariangaatsiarsimavoq. KNAPK-p paasissutissaatai malillugit tunisarineqartartut 33 procentimik apparsimallutik.

Kingunerit annertuut
Puisit amiinik EU-mut eqqusseqqusiunnaarnerata kingunerisaanik nunanut allanut tunisineq annikilleriangaatsiarsimavoq. KNAPK malillugu Great Greenlandip puisit amiinik tunisinerat 90 procentinik appariarsimavoq.

Tamanna qanoq piniartoqarnermut inuussutissarsiornermullu kinguneqarnersoq KNAPK-mit misissorneqarpoq. Misissuinermi paasineqarpoq piniartorpassuit piniartuujunnaarsimasut, tamannalu nunatsinni piniarnermut aalisarnermullu inuussutissarsiornermut eqquisinnaasoq paasineqarluni.

Puisinniartarneq tusarniaassutigineqartoq
Kalaallit Nunaanni puisinniartarneq pillugu Folketingimi tusarniaasoqarpoq, tamannalu Kalaallit Nunaat pillugu ataatsimiititaliaata aaqqissugaraa sisamanngornermi nalunaaqutaq 13.00-imiit (nunatsinni 09.00-imiit) aallartittumik, tusarniaaneq akunnerit pingasut missaanni ingerlanneqassaaq, tassanilu KNAPK-mi siulittaasup tullia siulittaasuugallartorlu Leif Fontainep nunatsinni puisinniartarneq piniartullu misigisartagai oqalugiarnermini sammissallugit.

Nunatsinni puisinniartartut qanoq amerlatiginersut, 2008-mit 2012-mut isertitagarisaallu qanoq amerlatiginersut paasissutissaat ataani takukkit.

Puisinniartarneq pillugu tusarniaanermi pilersaarut takuuk (qallunaatuinnaq allaqqavoq)

Tusarniaaneq toqqaannartumik ugguuna isiginnaarsinnaavat

Powered by Labrador CMS