Aalisarneq
KNAPK-p 'ingasaassiniat' isornartorsiorpaat
Aalisartut piniartulli kattuffiata WWF-ip qaleralinniarneq pillugu akissuteqaataa isumaqatiginngilaa
- WWF isumaqarpoq qalerallit tamaasa nungunneqalersut. WWF-ip ilisimasaqanngissutsi takutiinnarpaa. Aammattaaq WWF-imit oqaatigineqarpoq nunatta sineriaani qalerallit nungulersut akornanni qaleralinniartoqartoq, Upernaviup eqqaa toqqaannartumik oqaatiginngikkaluarlugu WWF-ip allaffeqarfiani Schweizimiitumi pineqarpoq.
Aalisartut piniartullu kattuffiata KNAPK-p siulittaasorigallagaa Leif Fontaine ilaatigut WWF-imut allappoq.
Akissut iluarineqanngitsoq
WWF-imiilli oqaatigineqarpoq suli aalisarneq pillugu saqqummersussaq saqqummersimanngitsoq.
Taamali akisoqarnera KNAPK-mit naammagineqanngilaq.
- Utoqqatsissutaasinnaanngilaq saqqummersussap suli saqqumminnginnera. Ingasaassiniat WWF aalisarnermut piniarnermut nunalerinermullu naalakkersuisoqarfiup qanoq iliuuseqarnissaat utaqqiinnarneqarpoq, KNAPK-mi siulittaasuugallartoq Leif Fontaine pisortarlu Petrus Biilmann allagaqarput.
Aalisariaatsit akuerineqanngitsut ilaat - soorlu Kalaallit Nunaanni - pisiarineqartussaanngitsutut nalilerneqartarput, soorlu Schweizip Kalaallit Nunaata qaleraliinik pisiumanngitsoq, WWF-imit ilaatigut oqaatigineqarpoq
Aamma iluarinngilaat
- Biologit Schweizimeersut nunatsinnut misissuiartornikuunerlutik, nunattaluunniit Upernaviulluunniit eqqaanniinnikuunerlutik?
- Nungusaataanngitsumik aalisartoqannginnissaa nutaarsiassaanngilaq, kattuffik 1953-mili aallartinneqarmat taanna oqaatigineqareerpoq. Taamaattumik WWF ukiuni 60-ni kingulliupput nungusaataanngitsumik aalisarneq eqqarsaatigalugu.
- Pinngortitaleriffimmi suliaasimasut allagaatit ingasattajaarniat WWF-imit misissorneqartarput, pisassiissutigineqartut ilanngullugit atuarneqartarlutik. Taamaattumik pisarineqarsimasut kisimik malillugit nalilersuisoqarsinnaanngilaq, immani misissuisoqartariaqarpoq.
- WWF tatiginartutut sulissaguni nammineerluni misissuisariaqarpoq, taakkulu inernerit takutillugit, aalisartut nungusaataanngitsumik aalisarnerat takutinneqartariaqarpoq, taamaasilluni nunanut assigiinngitsunut siammarterneqarluni nunatsinnit aalisakkanik pisisoqassanngitsoq.