IWC-hvalkvoter

KNAPK-p arfattassiisoqarnera aamma nersualaarpaa

Kalaallit Nunaata arfattassiissutinut piumasaqaataa IWC-mit isumaqatigiissutaanera nuannaarutigineqarpoq

Naalakkersuisut er forvirret, de handler modsat hvad de melder ud, mener KNAPK´s formand Henrik Sandgreen.
KNAPK-p siulittaasua Henrik Sandgreen

Aalisarnermut, piniarnermut nunalerinermullu naalakkersuisoq Finn Karlsen, Siumut, nuannaarpoq.

Naalakkersuisut siulittaasuat Aleqa Hammond, Siumut, nuannaarpoq.

Danmarkip nunanut allanut ministeriat Martin Lidegaard, Radikale Venstre, nuannaarpoq.

Kalaallit Nunaanni aalisartut piniartullu kattuffiat KNAPK aamma angusarineqartoq nuannaarutigineqarpoq. Arfanniarnermut Ataatsimiititaliarsuup Kalaallit Nunaata arfattassiissutinut piumasaqaataa ataasinngormat isumaqatigiissutaavoq.

- Nunatsinni piujuartitsisumik uumassusilinnik inuuniuteqarnitta inuussutissarsiuteqarnittalu piorsarsimmas-sutsikkut inuusaasikkullu attattuarnissaa KNAPK-p pingaartilluinnarpaa. Nuannaarutigaarpullu tamatumap pingaaruteqassusia inuiaqatigiit kalaallit ataatsimoorfigimmassuk. Tassuunakkullu inuiaqatigiit kalaallit nukittussusiat takuneqarsinnaavoq. KNAPK-lu kissaatigilluinnarpaa Nunatsinni uumassusilinnik atuinermi aammalu aqutsinermi inuiaqatigiit ataatsimoorlutik naalakkersuinikkut ingerlaaseqarnissaat, KNAPK-p siulittaasua Henrik Sandgreen oqaaseqaateqarluni allappoq.

- Arfattassat angisuut IWC-miit akuerineqarnissaat siunertaralugu pingaaruteqarluinnarpoq ilisimatuussutsikkut ataavartumik uumasoqatigiit misissorneri nalilersortuarnerisalu ingerlajuarnissaat. Tamannarpiaavorlu aamma Kalaallit Nunaata attatiinnagassaa, aatsaammi ataavartumik pisuussutinik piujuaannartitsinissamik tunngaveqartumik uumasorsiuut suleqatigilluinnarnerisigut piorsarsimassutsikkut inuusaasitta attattuarnissaa qulakkeersinnaassagatsigu. Inuiaqatigiit danskit kalaallillu naalagaaffeqatigiinnerup iluani suleqatigiilluarnerat aamma tassuunakkut takuneqarsinnaavoq. IWC-mullu tunngatillugu siunissami pisariaqarpoq, danskit naalagaaffiat arfanniarnernut tunngasut pillugit ilisimatuussutsikkut suliat aqqutigalugit immersortuarnissaat. KNAPK-miit nuannaarutigaarput 2018-ip tungaanut Nunatta angisuunik arfattassai maanna IWC-miit akuersissutigineqarmata.

Kitaanut arfanik pisassiissutit:

  • Tikaagulliit 164-it
  • Tikaagulliusaat 19-it
  • Qipoqqaat qulit
  • Arfiviit marluk

Tunumut:

  • Tikaagulliit aqqaneq marluk
Powered by Labrador CMS