neriulluartut
KNAPK: Nikolaj annertuumik suliassaqarpoq
Aalisartut piniartullu kattuffiata KNAPK’p neriuutigaa aalisarnermut inatsisissaq erinigineqaqisoq pillugu aalisarnermut, piniarnermut nunalerinermullu naalakkersuisunngortoq qanimut suleqatigisinnaassallugu
- Naalakkersuisunngortoq Nikolaj Jeremiaasen neriulluarfigaarput.
Aalisartut piniartullu kattuffiani KNAPK-mi siulittaasoq, Henrik Sandgreen, aviisimut Sermitsiamut taama oqarpoq.
Sapaatip-akunnerata aallartilaarnerani Nikolaj Jeremiassenip (S) Karl-Kristian Kruse aalisarnermut, piniarnermut nunalerinermullu naalakkersuisutut paarlappaa.
Pisortatigoortoq: Krusep Naalakkersuisut qimappai
Aalisarnermut inatsit erinigisaq
- Naalakkersuisunngortq Nikolaj Jeremiaasen Karl-Kristian Krusemik taarsiivoq neriulluarfigaarput. KNAPK-mut qanittumik attaveqartuarsimavoq taamaattuarnissaallu neriulluarfigaara aamma Naalakkersuisunngorluarluni, KNAPK’p siulittaasua Henrik Sandgreen oqarpoq.
Siulittaasup ingammik neriuutigaa aalisarnermut inatsisissamut erinigineqaqisumut atatillugu apeqqutini qanimut suleqatigisinnaassallugu, isumaqarami taanna naalakkersuisunngortup suliassaasa annersarigaat.
Atuaruk: Karl-Kristian Kruse: Ernerma pisariaqartippaanga
Qanimut suleqatigiinnissamik ujartuisoq
- Ataatsimoorluta annertuumik suliassaraarput aalisarnermut inatsit ukioq manna Inatsisartut ukiaanerani ataatsimiinneranni saqqummiunneqartussatut neriorsuutigineqartoq. Avaqqunneqarsinnaanngilaq pingaartuummat kattuffimmik ilaasortaanillu qanimut attaveqarlunilu oqaloqateqartariaqarnera, taamaattumik neriuutigeqaara pisarnermisut KNAPK-mut qanimut attaveqaannassasoq. Neriuutigeqaarput naalakkersuisunut qanimut suleqatigiissimanerput piffissami kingullermi pisimanngitsoq ivertinneqarneratigut atuutileqqissasoq, Henrik Sandgreen oqarpoq.
Assit takukkit: Krusep naalakkersuisoqarfimmini inuulluaqqusivoq
Allaaserisaq tamaat Sermitsiami atuaruk. Aviisi uani pisiariuk: