KNAPK Inatsisartuni ilaasortaalersunut: Aalisarnermut inatsisissaq naammassineqarli

Kalaallit Nunaanni aalisartut piniartullu kattuffiat, KNAPK, Inatsisartuni ilaasortaalersunut oqariartuutigaat aalisarnermut inatsisissaq naammassineqartariaqartoq.

- Sinerissap qanittuani imaatigut inuussutissarsiornerup inuiaqatigiinnut kalaallinut aningaasarsiornikkut nalitusarnissaa ukiunut tulliuttunut sisamaannaangitsunut, kisiannili suliap naammassineqarnissaata tungaanut anguniarlugu isumatuumik, tatituumik siammasissumillu siunnerfiliinikkut pisariaqartoq, tassanilu kattuffipput KNAPK suleqataarusuppoq, KNAPK-p siulittaasua Henrik Sandgreen Inatsisartuni ilaasortaalersunut Naalakkersuisunngortussanullu oqariartuuteqarpoq.

KNAPK ataani taakkartorneqartunut suleqataarusuppoq:

• Tamatigut pitsaanerpaamik kalaallit nunaanni angerlarsimaffeqavillutik aalisartuusut salliutillugit Inatsisikkut illersugaanissaat anguniarlugu.
• Sinerissap qanittuani raajarniarnerup piginneqatigiiffissuarnit marlunnit nunguinneqannginneranni ilorraap tungaanut saateqqinneqarnissaannut 'toqqaannartumik toqqaanngi-tsumillu' annerpaamik 15 procentimik piginneqataassutsit inissivinneqarnissaat piumasaraarput.
• Qaleralinniarnerup aaqqissuuteqqinneqarnerani peqataajumavugut aqutsiveqarfinni atugassarititaasut katitigaanerisa sapinngisamik akimmisaarfeerullugit aaqqinneqarnissaat.
• Sineriassuatsinni aalisagarpassuaqarnerata atorluarniarneqarnissaa atuisutut aqqutissiuusseqataaffiginissaat suleqataaffigerusupparput.
• Imaani nunamilu piniarnermi atugassarititaasut pillugit nalilersuinermi atuisutut akuutinneqarnerunitsigut pissusiviusut atuutsinneqalernissaat anguniarnerinut.