Aalisarneq
KNAPK amerikarmiunut: Kalaallit Nunaanni nungusaataasumik kapisilinniartoqanngilaq
Kalaallit Nunaata Nascomi ilaasortaajunnaarnissaa KNAPK-mit naalakkersuisumut piumasarineqarpoq
Nunarput Nascomi ilaasortaajunaartariaqarpoq piaarnerpaamik.
Nasco Kalaallit Nunaata kapisilinniartarneranik isornartorsiuereersoq, KNAPK aalalisarnermut naalakkersuisumut taamatut piumasaqarpoq.
- Asasara Karl-Kristian Kruse, ilisimaneqartutut maj-ip naaneraniit Canadami NASCO-mi kapisillit pillugit ukiumoortumik ataatsimeersuartoqartussaavoq, soorlu aamma tamanna pillugu KNAPK-p allagaani ulloq 06. Maj 2015 piumasarigipput nuussutissarsiutigalugu kapisilinniarneq ammaateqqinneqartariaqartoq, KNAPK-p siulittaasua Henrik Sandgreen naalakkersuisumut taamatut allagaqarpoq.
Kapisilinniartarneq pillugu Nasco Canadami maajimi ataatsimeersuarpoq.
Nasco isumaqatiginngilaat
- Kalaallit Nunaat NASCO-miit immikkut inissinneqartarnera naammaleqaaq. Kalaallit Nunaat pisuussuteqanngilaq USA-mi Canadamilu kuussuit mingutsinneqarnerisa kingunerisaanik kapisillit taakkunani majussaarneri, Henrik Sandgreen allappoq.
Aamma kapisileqarluaqqilersimasoq naalakkersuisumut ilisimatitsisoqarpoq.