aalisarnermut politikki

KNAP: Kruse ullutsinni killormukaartuuvoq

Aalisartut Piniartullu Kattuffiata KNAPK.p Aalisarnermut Piniarnermullu Naalakkersuisoq Kar-Kristian Kruse iluarisimaanngeqaa, killormukaartutulli taallugu.

Henrik Sandgreen mener, at Karl-Kristian Kruse er i gang med at ødelægge fiskerierhvervet.

- KNAPK qanorluunniit oqarluarpat, killormorluinnaanik iliuuseqartarpoq, KNAPK-mi siulittaasoq Henrik Sandgreen tusagassiuutinut nalunaarummi oqarpoq.

Allanngortiterijuaannartoq

- Naalakkersuisoqatigiit sinnerlugit aalisartukkormiut ajornerusunik atugaqalernissaannik kinguneqartussanik
iliuuseqaqattaaginnavippoq, Henrik Sandgreen oqaatigaa, isumaqarluniluni Krusemut suliassaq tassaasoq "aalisarnerup inuutissarsiutitut ingerlannerani akimmisaarutinik piaasussaq, tassa sinaakkutinik sanarfisoq aalisarnerup inuutissarsiutitut nunanut allanut unammillertinut inissisimalluarnerpaanissaa qulakkeerumallugu".

Henrik Sandgreen isumaqarpoq, Kruse pisuussutinnut atuinermut akileraarutit minnerungitsumillu tunngaviusumik akileraarutissap eqqunniarnerani siuttuusutut inissisimajuartoq.

- Aalisarnermut inatsimmi piginnittuussutsip - ilaatigut ajunngequteqaraluartup - siammarniarnerani sinerissap qanittuani avataanilu raajarniarnerup tunngaviatigut ingerlalluartup aserorternissaa siunertaralugu maanna sulivoq. Tassagooq nutaat piginnittuulerniassammata, KNAPK-p siulittaasua allappoq, erseqqissaassutigaalu maanna inuk kinaluunniit nunatsinni ukiut kingulliit marluk najugaqarsimasoq periarfissaqarmat ingerlatseqatigiiffiliornikkut raajarniarnermi peqataalernissamut.

Suliffinnik naleqarsinnaasoq

Henrik Sandreen isumaqarpoq, aalisartut atugai ukiortaamit annertuumik ajornerulertussaasut, akileraarutimmi nutaarluinnaat
eqqunneqartussaammata, tamannalu aalisakkerinermi suliffinnik naleqassaaq. Sanitigullu utoqqalinissamut ileqqaakkanik katersinissaq piumasaqaataalertussaavoq, Sandgreenillu apeqqutigaa, aalisartup qanoq ililluni tamanna aningaasalersussaneraa.

KNAPK naammangittarsinnaajunnaarpoq, allassimasoqarpoq.

- Maanna kattuffik imatut ajuusaarnaraluaqisumik oqartariaqalerpoq, aalisarnermut piniarnermullu naalakkersuisoqarpugut, inuutissarsiutitta ingerlalluarnissaanik anguniagaqarani ajornerulernisaanik suliaqartumik, Henrik Sangreen isummerpoq.

Powered by Labrador CMS