KNAK
KNAK-p siulittaasuata paasissutissat isertuukkai
Oqaluuserineqangaatsiartumi KNAK-mi siulittaasuata, sapaatip-akunnerata naanerani ataatsimeersuarnerani qanoq amerlatigisut qinigassanngortissimaneri, Sermitsiaq.AG-mut paasissutissiarerusunngilai.
Arfiningorpat sapaatiuppallu Kalaallit Nunaani Arsaattartut Kattuffiat Nuummi Hotel Hans Egedemi ataatsimeersuassaaq.
Voldsom uro
Nunanut allanut sungiusaasup Tekle Ghebrelulip soraarsitaanerata kingorna, tamatumalu kingunerisaanik John Thorsenip siulittaasutut tunuarnera, eqqissiviilliortitsingaatsiarlunilu nunanut allanut sungaasumik soraarsitsinermut tunngavilersuutit oqallisigineqangaatsiarpoq.
- Siulittaasumut qinigassanngortittoqarpa?
- Siulersuisut isumaqatigiissutigaarput aatsaat sapaatiuppat ataatsimeersuarnermut paasissutissanik tunniussaqassalluta, KNAK-mi siulittaasoq Gert Fleiscer naatsumik Sermitsiaq.AG-mut oqarpoq.
Taanna siulittaasutut ilaasortaannatulluunniit qinigassanngortittoqarsimanera aamma paasissutissiarerurusunngilaa. Aammalu siulersuisuni issiaviit qassit qineqqusaarutaanersut.
Atuaruk: KNAK-imi tukattoqarpoq: Maleruaqqusanik unioqqutsitsineq
- Siulersuisunik siulittaasussamillu qinersisoqareerpat paasissutissanik pissarsiumaarpusi, Gert Fleischer siulersuisut assortuussutaaqisut qanoq amerlatigisunik taarserneqarnissaat pillugu nassuiaateqarusunnani, oqarpoq.
Thorsen suli oqaatigiuminaatsoq
Qaammat kingulleq siulittaasuusimasoq John Thorsen siulittaasutut qinigassanngorteqqinnissamik eqqarsaatersuuteqarsimavoq. Taassuma sapaatip-akunnerata naanerani ataatsimeersuarnermi ilumut siulittaasutut qinigassanngortissanerluni, oqaluttuarinissaa kissaatiginngilaa.
Atuaruk: KNAK-mi siulittaasuusimasoq siulittaasutut qinigassanngortinnissani eqqarsaatersuutigaa