Kalaallit Nunaani Arsaattartut Kattuffiat
KNAK-mi siulittaasuusimasoq siulittaasutut qinigassanngortinnissani eqqarsaatersuutigaa
Kalaallit Nunaani Arsaattartut Kattuffiani siulittaasutut qinigassanngortittumik nalunaartoqarsimanngilaq. KNAK-milu siulittaasuusimasoq John Thorsenip siulittaasutut qinigassanngorteqqeriaannaavoq
- Siulittaasutut qinigassanngortinnissara tunuarsimaarfiginngilara.
Kalaallit Nunaani Arsaattartut Kattuffiani siulittaasuusimasoq John Thorsen, kattuffik Nuummi 7. - 8. oktober ataatsimeersuarnerani siulittaasutut qinigassanngorteqqissanersoq aperineqarami, Sermitsiaq.AG-mut taama oqarpoq.
Atuaruk: KNAK siulittaasua nunanut allanut sungiusaasoq soraarseriarlugu tunuartoq
Kisianni annertunerusumik oqaaseqarumanngilaq.
John Thorsenip julip qaammataani siulersuisuniit tunuassalluni aalajangermat, siulittaasup tullia Gert Fleischer siulittaasunngorpoq.
KNAK siulersuisunut ilaasortassanik siulittaasumullu qinigassanngortittunik suli tigusaqarsimanani, Sermitsiaq.AG-mut paasissutissiivoq.
Atuaruk: KNAK-imi tukattoqarpoq: Maleruaqqusanik unioqqutsitsineq