Skip to main content

KNAK-mi siulersuisut sakkortuumik isornartorsiuvisoqaraluartoq nipaapput

KNAK-p siulersuisui, nunanut allanut unammisartunut sungiusaasumik, Tekle Ghebrelulimik, soraarsitsisut, inuit naapeqatigiittarfiini sakkortuumik isornartorsiorneqarput. Taakkuli sammisaq Sermitsiaq.AG-mut oqaaseqarfigerusunngilaat

Gert Fleischeri, siulersuisut Tekle Ghebrelulimik soraarsitsinerini siulittaasup tulliusimasoq, Sermitsiaq.AG-mut paasissutissiivoq massakkut siulersuisut arfiniliusut tallimanngormat ataatsimeeqatigiissimasut, sammisarlu aatsaat ataatsinngorpat tusagassiuutinut oqaaseqarfigineqasslluni.

"Oqaaseqarfigineqarnianngitsoq"

Naak isikkamik arsaattartut nunanut allanut unammisartut sungiusaasorisimasaat ulluni makkuna assorilisimaaraluaqisoq, Oqaaseqarfigissanngilarput, Gert Fleischerip uteqattaarpaa.

Aamma atuaruk:

Siulersuisut sisamanngornermi Tekle Ghebrelulip soraarsinneqarnissaanik taasinermi 6-1-mik inerneqarpoq. Siulittaasorlu John Thorsen soraarsitsinissamut akerliusimavoq, tamatumalu kingorna siulittaasutut tunuarluni.

Siulersuisuniipput:

Gert Fleisher, siulittaasup tullia, massakkut siulittaasuungunartoq

Jens Mølgaard
Oluf Olrik
Allan Eriksen
Kent Kielsen 
Nukannguaq Zeeb

Aamma atuaruk:

Tallimanngormat futsalimik nunanut allanut unammisartut sungiusaasuat, René Olsen, ingerlaannaq atuutilertumik tunuarluni aalajangerpoq, taassuma pisup ingerlanera akuerisinnaannginnamiuk taama aalajangerpoq.

Aamma atuaruk:

- Maanna siulersuisut namminneq ilaminnik taamatut sumiginnaasunik suleqateqarnissara takorloorsinnaanngilara. Tatiginanngilaq aamma sulisunik aqutsinerlunneruvoq, René Olsen tunuarnerminut tunngavilersuilluni ilaatigut allappoq.

Atuartartut aalassassimaartut

Sammisaq pillugu Sermitsiaq.AG-p allaaserisat saqqummiussimasaani oqaaseqartarfinni atuarneqarsinnaapput, sungiusaasumik soraarsitsineq sakkortuumik isornartorsiorneqartoq aammalu siulittaasuusimasumut sungiusaasuusimasumulli tapersersuisut amerlasuupilussuusut.

KNAK-p siulersuisui kukkorujussuartut arlallit oqaatigaa, Jens-Frederik Nielsenilu isumaqarpoq kalaallit isikkamik arsaannermikkut aallaqqaataaniilersut.

- KNAK pilluarit. Ukiuni arlalinni ineriartortitsilluni suliaq tamaangaannartipparsi. Taama ittumik misigisaqarnikuunngisaannarpunga. Renep aalajangernera 100 %-mik paasisinnaavara. KNAK-mut ataqqinnissuseerutiivippunga. Sungiusaasunik pimoorussisunik, eqiasuitsunik, piginnaasalinnik taama pitsaatigisunik nassaarluarnissassinnik iluatsitsilluarisi. Tamanna pinavianngilaq, Kalaallit isikkamik arsaattarnerat aallaqqaataaneerneqalerpoq!, Jens-Frederik Nielsen allappoq, taanna Facebook aallaavigalugu Namminersorlutik Oqartussanni Naalakkersuisumut allattaavoq.

"Malersuineq, ammip qalipaataanik immikkoortitsineq ikkatiginninnerlu"

Ditte Junge Pedersen oqaaseqartarfimmi allappoq:

- Malersuineq, ammip qalipaataanik immikkoortitsineq ikkatiginninnerlu, ajornerpaavorli akuerineqarmata. John aamma Tekle ataqqinaqaat, tamatumalu akuersaarneqannginnissaa takutikkassiuk qujanaq.

Hans Boye oqaaseqartarfimmi allappoq:

Ingasappusi!! Aatsaat iluameertumik trænerertaaratta kalaallit nunaanni, 
Soraarsippaat!! Asuleertumik trænerertaaqqikkutta ajorinninniaavilluta nipaqalissuugunaasiit. tamakkunukua sooraarsitassat iluameerniartut soraarsinnagit!

Jens Andreas Hutterilu naatsumik allappoq:

- Ajoraluassusia, suli ajorsiartorput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER