video takujuk
Klasseqatigiit Danmarkimut angalanissamut ajugaapput
Ukioq kingulleq nunatsinni klassit tamarmik oqaluttuarisaanermut tunngasumik nalorsitsaaripput, nalorsitsaarinermi qulequtaliunneqarsimavoq 'Kalaallit Nunaata Danmarkillu attaveqatigiinnerat'. Nuumminngaanneersulli ajugaasuupput
Kangillinnguit Atuarfianeersut 7. B Nuumminngaanneersut misigisassaqarluarput.
Atuaqatigiimmi nuna tamakkerlugu nalorsitsaarinermi ajugaasuupput. Atuaqatigiit qaammatip uuma aallartilaarnerani Danmarkimut misigisassarsiorlutik angalaqatigiissapput.
Atuaqatigiit filmeeraliaat Inuit Poq aamma Qiperoq 1700-kkunni Københavnimukartut naliliisartunit tupaallaatigineqarpoq. Atuaqatigiilli maanna Københavnimut angalasussanngorput, angalanermi Det Nationalhistoriske Museumimut isissutissat ilanngunneqarsimapput, unammisitsinermi aaqqissuisut paasissutissiipput.
Angalaneq nuannisarfiullunilu ilinniarfiussaaq
- Ajugaasut toqqarnissaat ajornakusoorsimavoq Kangillinnguilli Atuarfianeersut 7. B suliassartik paasilluarlugu kusarnartumik naammassisimavaat. Danmarkimut angalanissaat qilanaaraarput, nuannisarlutillu paasisaqarluarnissaat isumagissavarput, Det Nationalhistoriske Museumimi Frederiksborg Slot-imi pisortaq Mette Skougaard taama oqarpoq.
Ukioq kingulleq atuaqatigiiaat unammisitsinermi peqataasinnaalerput.
Kalaallit klassii peqataalersinneratigut Danmarkip Kalaallit Nunaatalu oqaluttuarisaanerat ataqatigiinnerallu nukittorsarneqassasoq katersugaasiviup neriuutigaa. Atuaqatigiit angalanerminni Danmarkimi klasse ikinngutertik Hillerødsholmsskolen-iminngaanneersut pulaassavaat, naapinnerminnilu imminnut ilinniassallutik.
Kangillinnguit Atuarfianni 7. B filmeeraliaat takujuk