kinguaattoornerit
Kitaani timmisartuussinissat tamarmik anorersuarmit kinguarsarneqarput
Air Greenlandip aallartussaagaluit silap atorsaanerulernissaanut ullup qeqqata kingorna pisussanngorlugit nuunneqarput
Kitaata sineriaata annerpaani silap ajornera peqqutigalugu Air Greenlandip ullumikkut timmisartuussinissat arlallit kinguartippai. Taamaammallu Air Greenlandip aallartussaagaluit silap atorsaanerulernissaanut ullup qeqqata kingorna pisussanngorlugit nuuppai.
Akunnerit marluk kingusinnerusumik
Air Greenlandip atlantiku qulaallugu timmisartuussinissaa Københavnimiit GL781 pilersaarutaasumit nalunaaquttap akunnerinik marlunnik kingusinnerusukkut aallassaaq, aammalu Gl782 nalunaaquttap akunnerinik marlunnik kingusinnerusumik Københavnimut utissalluni.
Tamatuma kingunerisaanik naatsorsuutigineqarpoq Nuup Københavnillu akornanni angalasut kinguuaattoornertalimmik apuuffissaminnut ullumi ataasinngornermi apuutissasut.
Allanut inissiineq
Sinerissami angalasut, ullumikkut apuuffissaminnut apuussinnaanngitsut, tamarmik angalanissanut allanut inissinneqarput, marlunngornermi pingasunngornermilu ilaasussat apuuffissaannut sapinngisaq tamaat apuunniarneqassallutik.
Ilaasussaagaluit angalanissamik allannguutaat pillugit smsikkut, mailikkut imaluunniit sianerfigalugit ilisimatinneqartut timmisartuutileqatigiiffik nalunaarpoq.