missingersuutit
Kissaatit missingersuutinut amigartoortitsipput
Borgmesteri Malik Berthelsenili karsimiittussat ukiunilu aggersunut missiliuutinut isumalluarpoq
Kissaatit nutaat soorlu uku, asfaltiliuut angallattagaq aqutsissullu nutaaq, inunnik isumaginninnermut siunnersortit
tallimat, Atammimmi aqqutinik pitsanngorsaanissat, nipilersornermi festivalimut tupersuaq aamma inuuniarnermi atukkanik misissuinissat tassaapput missingiutinut 2018-imut ukiunullu tulliuttunut 2019imiit 2021-ip tungaanut missiliuutinut kissaatigineqartut 23-usut ilaat, kiisalu suliassat nukinginnartut aningaasaqarnikkut 6 millionit koruuninik amingaartoornissamik kinguneqarput, tamakkulu Kommunalbestyrelsep oktoberip 26anni ataatsimiinnerminni akueraat.
– Karsip imaqarluarnera eqqarsaatigalugu amingartooruteqalaarnissarput ernumanaateqanngilaq, Qeqqata Kommuniani borgmesteri Malik Berthelsen mailikkut allappoq.
Missingersuutinik siullermeerinermit takuneqarsinnaangaluarpoq ingerlatsinermut sanaartornermullu aningaasartuutit 728,5 millionit koruuniussasut, isertiassat 773 millionit koruunit, tamakkulu tunngavigalugit ingerlatsinermi angusat 46,5 millioniussasut, killiffimilu nikeraatit 10.000 koruunit peereerlugit 36 millioner kroninik sinneqartoortussaagaluartut.
Aviisi Sermitsiami allaaserineqartoq tamakkiisoq atuaruk. Aviisi uani pisiarineqarsinnaavoq: