qinersineq

Kisitsivik siulleq: IA Ittoqqortoormiuni ajugaavoq

Inuit Ataqatigiit illoqarfimmi kisitsivimmi siullermi qinersinerit kisinneqarmata qinerneqarnerpaapput

Inatsisartunut qinersinermi 34,6 procentinik qinerneqarlutik Inuit Ataqatigiit, pisarnertut qinersinernik siulliulluni kisitsiviusartumi, Tunumi illoqarfimmi qinerneqarpaapput.

Qinerneqarnerpaat tulliattut inissippoq Siumut, qinersisut 33,7 procentianik taaneqarami, qinerneqarnerpaanut pingajuulluni inissippoq Partii Naleraq qinersisut 16,6 procentiinit qinerneqarami.

Taakkununnga tulliulluni inissippoq Atassut 11,2 procentinik qinerneqarami, Demokraatit 0,5 procentinit qineqarsimasut.

Partii Inuit qinerneqanngillat, qinigassanngortittulli ‘allat’ 0,5 procentinik qinersisinnaasunit 283-init qinerneqarsimapput.

Inatsisartunut 2013-imi qinersinermi Siumut Ittoqqortoormiuni qinersisut 42,8 procentianik qinerneqarluni ajugaavoq.

Powered by Labrador CMS