tusagassiuutit
Kirkegaardip tusagassiornermi Maalaartarfimmut suliassanngortitani tunuartippaa
Siumumit Jens-Erik Kirkegaardip tusagassiornermi Maalaartarfimmut suliassanngortitsisimanini peqqissimissutigaa. Taamaammat Sermitsiaq.AG pillugu maalaarutini tunuartillugu
Inuussutissarsiornermut aatsitassarsiornermullu naalakkersuisuusimasup Jens-Erik Kirkegaardip Sermitsiaq.AGmi allaaserineqartoq 'Kirkegaard tunuarnialersaanngilaq: Naalakkersuisuuginnassaanga' nittartakkami saqqummiunneqartumut ilumuunnginneraavoq allaaserisamillu uterteqqusilluni septembarip aqqaneq aappaanni.
Allaaserineqartoq utertinneqassanngitsoq Sermitsiaq.AG-mit aalajangerneqarpoq.
Jens-Erik Kirkegaard allaaserineqartoq saqqummiunneqarneranit ullut 20-t qaangiuttut (oktobarip aallaqqaataani) Naalakkersuisunit tunuarpoq.
Kalaallit Nunaanni tusagassiornermi Maalaartarfik nalunaaruteqarpoq, Inatsisartunut qinigassanngortittup Jens-Erik Kirkegaardip, maalaarutini tunuartinniarlugu.
Jens-Erik Kirkegaardip sooq maalaarutini tunuartinnerlugu nassuiaatigerusunngilaa.