Kiniiserit suliartussapput - imaluunniit

Kiniisererpassuit Kalaallit Nunaannut suliartornissaat naatsorsuutigineqarpoq. Tamanna tusagassiuuutini assigiinngitsuni tusarneqartuarpoq.

Kalaallit Nunaannut tamanna siunissaanut takorluukkat qanoq iskkoqarpat. Aatsitassarsiorneq namminiilivinnermik kinguneqarsinnaava?

Raatiumi P1-mi piviusulersaarut sisamanngorpat tusaaneqarsinnaassaaq.

Innuttaasut apersorneqartut
Nuummi pisiniarfinni ilaatigut apersuisoqarpoq, tassani aatsitassarsiornermut takorluukkat apeqqutigineqartarlutik. Nungusaataanngitsumik aatsitassarsiortoqarnissaali ilimagineqanngilaq.

Siumup oqaatigisarpaa aatsitassarsiornissaq siunissami ungasippallaanngitsumiittoq. Aatsitassarsiorniarnermili sunarpiaat pineqassanersut Jens-Erik Kirkegaard aperineqarmat nassuerutigaa suli aalajangivinneqanngitsoq suut aallartisarneqassanersut.

Jens-Erik Kirkegaardip apersorneqarnerani Naalakkersuisut siulittaasuat Aleqa Hammond peqataavoq.

Neriuutit
Naalakkersuisut siulittaasorisimasaata Kuupik Kleistip Inuit Ataqatigiinneersup aallakaatitassiami oqaatigaa aatsitassarsiorneq neriulersitsiniaallunilu iluareqqusaarnerusoq. Aatsitassarsiornissami suut iluaqutaallutillu ajoqqutaasinnaanerat geologi Minik Rosing peqatigalugu 2012-mi paasisimasanik siammarteriniarput. Minik Rosingip nalunaarusiaani takuneqarsinnaavoq piviusut takorluukkallu imminnut ungasittorujussuusut.

Minik Rosingip London Miningip Isuani kanngussanik piiaaffeqalernissaanik pilersaarutaata aningaasaliisussaqanngikkallarnera ilaatigut assersuutigaa. Nunani allani assingusumik pilersaaruteqartut aningaasaleerusuttut aningaasaliiumanerusut oqaatigaa.

- Inuit aningaasaaterpassuallit aningaasaaterpassuatik paarerusuunnartarpaat, Minik Rosing P1-mi ilaatigut naqissusiivoq.

Urani
Aallakaatitassiami Dansk Folkepartip Kalaallit Nunaannut oqaaseqarseqartartuat Søren Espersen ilaatigut ilaavoq, taasumalu ilaatigut Naalakkersuisut isornartorsiorpai.

Aallakaatitassiaq minutsini 42-ni sivisussuseqarpoq.