Kinguaattoorneq akeqarpoq
Pinerluuteqarsimasunik isumaginnittoqarfimmut qullersaqarfiup Danmarkimiittup Nuummi matoqqasumik pinerluuteqarsimasunut inissiisarfiliaq kinguaattoormat Permagreen ullormut akiligassittalerpaat
Pinerluuteqarsimasunut inissiisarfik matoqqasoq Nuummiittussaq aatsaat 2019-mi atulissaaq pilersaarutaasutut aasamut pinnani.
AG allappoq.
Sanaartornerup kinguaattoornera naalagaaffiup aningaasartuutaanut sunniuteqanngikkaluartoq sanaartornermik ingerlatsisoq Permagreen annikinnerusumik iluanaaruteqartussanngorpoq sanaartugaq tunniunneqarpat – tamanna pissaaq sulisut piukkunnartut amigaataanerat aputeqarpallaarsimaneraluunniit kinguaattoornermut pissutaagaluarpata.
Sanaartornermi atortut immikkut qajannaallisakkat pinerluuteqarsimasunut inissiisarfiliornermi atorneqarput tassaniissappullu pinerluuteqarsimasut ulorianarnerpaat ilaat maanna Herstedvesterimi pineqaatissinneqarsimanerminnik naammassiniaasut.
- Sanaartukkap ilaani atortussat immikkut ittut atorneqarput taakkulu Danmarkimiit assartorneqarput aammalu naliginnaasumik inissialiornermi allaffissualiornermilu atorneqartartunit qajannaannerupput. Taamatulli ittunik atortoqarluni sanaartorneq pisussaasoq sanaartukkat aallartinneqarnerani ilisimaneqareerpoq taamalu sanaartukkat naammassiniarnissaanut tamanna apeqqutaasariaqarani, Jesper Dyreborg pinerluuteqarsimasunut nakkutiginnittoqarfimmi pisortaqarfimmeersoq oqarpoq
Allaaserineqartoq tamakkiisumik AG-mi atuaruk. Aviisi uani pisiarineqarsinnaavoq: