Inatsisartut
Kinaassutsimik uppernarsaateqalernissaq amerlanerussuteqartut tapersersorpaat
Attaviitsup Michael Rosingip nuna tamakkerlugu innuttaasut kinaassutsimut ilisarnaateqalernissaannik siunnersuutaa partiit tamarmik aamma Naalakkersuisut tapersersorpaat.
Annertuumik alloriartoqarpoq, tassami Nunatsinni innuttaasut siunissami kinaassutsimut uppernarsaateqalissapput.
Attaviitsoq Michael Rosing siunnersuuteqartuuvoq, taanna Inatsisartuni sisamanngornermi siullermeerneqarpoq.
Inatsisartuni partiit tamarmik aamma Naalakkersuisut siunnersuutip akuerineqarnissaanut innersuussipput.
Atuaruk: Siunnersuut: Nunatsinni kinaassutsimut uppernarsaammik pilersitsisoqarli
Innuttaasunut oqartussanullu iluaqutissaq
Innuttaasut tamarmik kortitaarnissaat siunnersuutaavoqm taanna najugaqarnermut uppernarsaatitut, napparsimalersinnaanermut sillimmasigaanermut allagartatut aamma imigassamik cigaretsinilluunniit pisinermi kinaassutsimut uppernarsaatitut atorneqarsinnaassaaq. Kinaassutsip uppernarsarneqarneranut atorsinnaassalluni.
- Nuna tamakkerlugu iliniarnaat innuttaasumut pisortallu oqartussaaffiinut iluaqutaasussaavoq, siunnersuuteqartoq ilaatigut taama oqarpoq, taassuma aamma kinaassutsimut uppernarsaatip akeqannginnissaa kissaatigaa.