kommunimut qinersineq
'Kinaassuserput saqqummiunnagu nalunaarutiginnissinnaasariaqarpugut'
Kommunimut qinersinissamut Kommune Kujallermi qinigassanngortittoq, Stine Egede, isertortumik unnerluutiginnittoqarsinnaalersikkusuppaa
Kommune Kujallermi innuttaasut kinaassutsiminnik isertuussillutik unnerluutiginninnissamut periarfissaqartariaqarput, 'whistleblowerimik aaqqiissutitut' taassaq atorlugu.
Kommune Kujallermi kommunimut qinigassanngortittoq, Stine Egede (IA) taama oqarpoq.
- Kommune Kujallermi sulisut peqquserlunnernik eqqunngitsunilluunniit iliuutsinik nalaataqartut kinaassusertik isertuullugu unnerluutiginnissinnaalernissaat ilungersuutigissavarput, taanna oqarpoq.
Atuaruk: Sermersuumi whistleblowereqarneq eqqunneqassaaq
Maalaaruteqartarfik
Taamaattumik Inuit Ataqatigiit naammagittaalliortarfimmik, inuit saaffigiinnissutiminnik akissuteqarfigineqarsimannngitsut, inuilluunniit eqqortumik sullinneqanngitsutut misigisut saaffiginniffissaannik pilersitserusupput.
- Taanna Isumaginninnermut Maalaatarfimmut taartitut atuutissanngilaq. Saaffiginnittarfik kommunimut tamarmut atuutissaaq. Aatsaat taamaaliornikkut innuttaasunik sullissinitsinni sukkut sanngiiffeqarnerput paasissavarput, ullumikkummi amerlaqisut kinguneqanngitsumik arlalissuariarlutik saaffiginnittariaqartarput, amerlaqisullu tunniutiinnartarput, taanna erseqqissaavoq.
Namminersorlutik Oqartussani naalakkersuisoqarfiit aamma Kommuneqarfik Sermersuup taamatut aaqqiissutiteqareernikuupput.