Kim: Ukiuni sisamani tulliuttuni akisussaaffiit amerlanerusut tigoorarneqassapput
Suliassaqarfiit 32-t sinneruttut akisussaaffigilernissaannut tunngatillugu uninngatitsiinnarsimanani, Siumup partiimi siulittaasua Kim Kielsen oqarpoq.
- Ukiuni pingasuni kingullerni suliassaqarfiit danskit naalagaaffianit akisussaaffigilernissaannut tunngatillugu nukippassuit atornikuuagut, Kim Kielsen Sermitsiaq.AG-mit apersorneqarnermini oqarpoq.
Suliassat amerlanerusut
Naalakkersuisut suliassat arlallit kommuninut tunniussimagaat taassuma oqaatigaat, akisussaaffik taamalilluni assannut amerlanerusunut siammartinneqarluni.
- Ukiut sisamat tulliuttut iluanni suliassaqarfiit amerlanerusut akisussaaffigilerumaarigut qularutissaanngilaq, Kim Kielsen naqissusiivoq.
Tulleriaarinermut tunngatillugu suliassaqarfiit sorliit siulliullugit tigoorarnissaannut tunngatillugu, IA-p siulittaasua Sara Olsvig, naligigaa paasineqarsivoq.
Inuussutissaqarnermut tunngasut inuussutissalerinermut aqutsisoqarfik aamma inuussutissanik nakkutilliineq siullertut partiimi siulittaasut marluullutik taavaat. Tullertut nunanut allanut tunngasut aamma Nunatta qulaani silaannarmut akisussaaffik-
- Pissutsit misissorluarneqarnikuupput, maanna suliap aallartivinnissaa tullinnguuppoq, Kim Kielsen oqarpoq, Naalakkersuisunngortussanilu siuttunngussaguni suliap aallartinnissaanut piareersimavoq.