pilluarit

Kimmip inuuiani meeqqanut aliikkusersuineq

Kim Kielsenip 50-iliineranut atatillugu Hinnarik aliikkusersuissaaq

Kim Kielsenip novembarip 30-anni 50-iliilluni inuuissiorneranut atatillugu, Hinnarik aamma Frederik Nuuk Centerimi nal. 17.00 - 17.30 tungaanut aliikkusersuissapput.

Kim Kielsenip ukioq manna meeqqat ukiuannik suaarutiginikuugaa, Hinnariup tassunga atatillugu eqqaasitsissutigaa.

- Assut tulluusimaarnarpoq meerarpassuit sinnerlugit, naalakkersuisuni siulittaasup 50-iliineranut atatillugu pilersaarusiortoqarneranut attavigineqaratta, meeqqanit nuannarineqarluartoq oqarpoq.

Atuaruk: Angummi tumai atuarlugit atorfimmut qaffasinnerpaamut

- Soorunami Kim-ip ukioq 2016 meeqqat ukiuattut taanikuummagu, tusarluarnikuugatta nangaarianngilagut aliikkusersueqquneqaratta.

Trollit inuulluaqqutikkigit
- Meeqqat nalingat sumulluunniit nallersuunneqarsinnaanngilaq, nuannaarpugullu meeqqat atugassarititaat oqinnerulertinniarlugit sulisoqarmat.

Sukujuttugassanik aamma agguaasoqassaaq.

- Kim, inuuinni pilluarit, trollit naapikkukkit inuulluaqqitikkigit Hinnarimmiik, hip hip hurra, Hinnarik inuuissiornermut atatillugu inuulluaqqussutini taama naggaserpaa.

Powered by Labrador CMS