Naalagaaffiit Peqatigiinnut maalaarut
Kim: Vittus peqateqarani maalaarummik nassiussivoq
Danmarkip Naalagaaffiit Peqatigiivinut maalaarutigineqarnissaanut Naalakkersuisut aalajangeeqataanngillat. Kim Kielsenip ullumi akunnermi ataatsimi apeqqarissaarfigineqarnermini naqissuserpaa, KNR taama allaaserinnippoq.
Nunanut Allanut Naalakkersuisuusimasoq Vittus Qujaukitsoq (S) Naalagaaffiit Pieqatigiivisa Inuit Pisinnaatitaaffiisa Siunnersuisoqatigiivinut maalaaruteqarnera, annertuumik uissuummitigineqarpoq.
Kalaallit Nunaata Danmarki pillugu Naalagaaffiit Peqatigiivinut maalaarummik siullerpaamik anngussisoqarpoq.
Taamaattoq aalajangernermut Naalakkersuisut peqataatinneqarsimanngillat.
Naalakkersuisut siulittaasuat, Kim Kielsen, ullumi akunnermi ataatsimi apeqqarissaarfigineqarnermini oqaatigaa. KNR taama allaaserinnippoq.
Akunneq ataatsimi apeqqarissaarnermi, Ineqi Kielsen (S) apeqquteqartuuvoq.
Nunanut Allanut Naalakkersuisoq Suka K. Frederiksen (S) oqaaseqartinniarlugu, Sermitsiaq.AG sulissuteqarpoq.
Atuaruk: FN-mut maalaarutit taamaatikkuminaatsut