Paamiut
Kim Kielsenip soraarummeernermut uppernarsaatit tunniuppai
Naalakkersusut siulittaasuata Kim Kielsenip (S) Paamiuni soraarummeernermut uppernarsaatit tunniuppai
Paamiuni Piareersarfimmi soraarummeertut sapaatip akunnerani kingullermi pingasunngormat soraarummeernermut uppernarsaatit tunniunneqarmata tupaallatsinneqarput.
Tassami soraarummeernermut uppernarsaatinik tunniussisuuvoq Naalakkersuisut siulittaasuat Kim Kielsen, Kommuneqarfik Sermersooq nittartakkamini allappoq.
Soraarummeertut 21-t
Naalakkersuisut siulittaasuat illoqarfimmut inunngorfimminut sulinerminut atatillugu angalasimavoq Piareersarfiullu qaaqqusimavaa soraarummeernermut uppernarsaatinik tunniussinissaanut.
Ilinniartut ilaat, Sejer Frederiksen, immikkut tuppaallatsinneqarpoq. Taanna Kommuneqarfik Sermersuumit ilinniartutut pikkorinnerpaatut legatimik tunineqarpoq. Taanna Lokalrådip siulittaasuanit Niels Lorentzenimit tunniunneqarpoq.
Ilinniartut katillugit 21-t ukioq manna Paamiuni Piareersarfimmit soraarummeerput.