Kim Kielsen: Tunuliaqutikka eqqissisimassapput

Allaffimmini issiavoq aammalu Naalakkersuisooqatigiinngortut isumaqatgiissutaataat imatut taaguutilik atuarluaruttulerpaa »Naligiinneq, Toqqissimaneq Ineriatorneq«, taanna Siumukkut, Inuit Ataqatigiit aamma Partii Naleqqap danskisut kalaallisullu isumaqatigiissutaatigaat.

Ilaanneeriarluni sukkut tamaana krydsiliilaartarpoq, taamakkulu allannguutissaasut takuneqarsinnaapput.

– Aap, ajoraluartumik danskisuua kalaallisuualu assigiinnginnamik. Kukkusumik nassuiaasoqannginniassammat soorunami iluarsineqassapput, Siumumi aamma Naalakkersuisunut siulittaasoq, Kim Kielsen (S) oqarpoq.

Atuaruk: Naalakkersuisunut ilaasortat nutaat aajuku

Liberalinit socialistinut
Kisianni taannaannaanngilaq iluarsiiviginiagaa. Ippassarmi Naalakkersuisooqatitik liberaliusut Demokraatit Atassullu partiinik socialistiusunit Inuit Ataqatigiinnik aamma Partii Naleqqamik taarserpai.

– Naalakkersuisuusimasut soorunami iluarsaassilaariarlutik ingerlaqqissimasinnaagaluarput, Kim Kielsen oqarpoq.

Kim Kielsenip Naalakkersuisuusimasuni anguniakkat ilaat soorlu umiarsualiviliorneq, mittarfiliortiternerit annertunerusunillu allanngortiterinerit aallartinneqareersimasut eqqumaffigeqquai.

Atuaruk: Siumut IA aamma Partii Naleraq naalakkersuisoqatigiilerput

Anguniakkanit suliassanillu 225-iusunit Naalakkersuisuusimasut suliassamittut siunniussimasaannit 53-it naammassineqarsimapput, 122-it suliarineqarput, uffa suli 50-it aallartinneqarnissaat kisimik amigaataasut:

– Naak qinigaaffiup affaannaa tikikkaluarlutigu angusaqarsimaqaagut. Kisianni ingerlariaqqissagutta, Inatsisartuni tunuliaqutaqarnerpaat ilanngunnissaannut periarfissamik takuvunga. Taamattumik Naalakkersuisooqatigiit taarsersornissaannik aalajangerpunga.

Atuaruk: Oqaluttuarisaanermi naalakkersuisooqatigiit siammasinnerpaat Kielsenip pilerseriaraluarpai

Allaaserisaq tamaat Sermitsiami saqqummertumi kingullermi atuaruk. Aviisi uani pisiarisinnaavat:

Sermitsiaq Uge 44 2016

Klik her for at læse