Nammineq aalajangerneq

Kim Kielsen naqissusiivoq: Vittusi nammineq tunuarpoq

Naalakkersuisuusimasoq Vittus Qujaukitsoq qaammatip siuliani Naalakkersuisutut atorfimminit tunuarami nammineq aalajangersimavaa. Naalakkersuisut siulittaasuat taama naqissusiivoq.

Vittus Qujaukitsoq nammineerluni Naalakkersuisunit tunuarpoq. Siulittaasoq taama isumaqarpoq.

Vittus Qujaukitsup Inuussutissarsiornermut, Suliffeqarnermut, Niuernermut, Nukissiuuteqarnermut Nunanullu Allanut Naalakkersuisutut apriilip naanerani nammineq tunuarpoq.

Nuuk TV pingasunngornermi VIttus Qujaukitsoq soraarsitaasimanerarlugu nutaarsiassiinerata kingora, Naalakkersuisut siulittaasuat Kim Kielsen taama taqissusiivoq.

Atuaruk: Vittus Qujaukitsoq: Naalakkersuisunit tunuarpunga

- Naalakkersuisuusimasoq Vittus Qujaukitsoq suliassaqarfinnik annertuunik akisussaaffeqarpoq, taakkulu Naalakkersuisunut assigiinnerusumik agguataarnissaat kissaatigisimavara. Nunanut Allanut tunngassuteqartoq Naalakkersuisumut Suka K. Frederiksenimut tunniukkusussimavara Vittus Qujaukitsup Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisutut ingerlaannarniassammat, Kim Kielsen oqarpoq nangillunilu:

Ingerlaqqinnissamik kissaateqanngitsoq

- Nunanut Allanut tunngassuteqartut Suka K. Frederiksenimut tunniunnissaa pissusissamisoorlunilu piffissaq eqqorlugu aalajangernerusoq nalilerpara. Suliap Inatsisartuni oqaluuserineqalinnginnerani tamanna Vittus Qujaukitsumut ilisimatitsissutigivara. Vittusip Nunanut Allanut tunngassuteqartut akisussaaffiginagit Inuussutissarsiornermut, Sulisoqarnermut, Niuernermut Nukissiuuteqarnermullu suliassaqarfiit akisussaaffigalugit Naalakkersuisutut ingerlaannarnissani kissaatigisimanngilaa, tamannalu tunngavigalugu Naalakkersuisujunnaarnissani toqqarlugu.

Atuaruk: Vittus Naalagaaffiiit Peqatigiinnut maalaaruteqarnera eqqortuua? Qanoq isumaqarpit?

- Vittus Qujaukitsoq suliassaqarfimmik tunniusserusunnani Naalakkersuisutut nammineerluni tunuarpoq. Tamanna nammineerluni aalajangerpaa, uangaanngitsoq, Kim Kielsen naggasiilluni naqissusiivoq.

Powered by Labrador CMS