avissaartuunneq
Kim Kielsen: Lars-Emil Johansenip ajorsarnini akuerinngisaannarsimavaa
Siumup Naalakkersuisullu siulittaasuat isornartorsiuinermut akissuteqarpoq
– Siumut Inatsisartunut 2014-imi qinersinermi nunatsinni partiit anginersarilerpaat, tamannalu partiimik eqqortumik ingerlatsisimanitsinnut takussutissaavoq. Inatsisartunullu qinersinissaq sioqqutitsiarlugu partiimi siulittaasussamik qinersinissap tungaanut Lars-Emil Johansen unammillertima ilaattut sassarpoq ajorsarlunilu, Siumup Naalakkersuisullu siulittaasuat, Kim Kielsen oqarpoq, ilassuteqarlunilu:
- Kisianni Lars-Emil Johansenip uannut ajorsarnini akuerinngisaannarsimavaa.
Kim Kielsen Lars-Emil Johansen Sermitsiami sapaatip-akunnerani kingullermi saqqummersumi isornartorsiuereersorlu taama akissuteqarpoq.
- Partiitsinnit akisussaaffeqarfiit pingaarutillit ingerlalluartullu, soorlu Isumaginninnermut aamma Aalisarnermut Naalakkersuisoqarfiit, partiinut allanut tunniussuunneqarnerat isornartoqartippara, Lars-Emil Johansen oqarpoq.
Kisianni Kim Kielsenimit tamanna akissuteqarfigineqarpoq.
- Akisussaaffinnik agguaassineq Inatsisartut siulittaasuata suliassarinngilaa, uanga Naalakkersuisut siulittaasuattut suliassaraara. Lars-Emil Johansenip uanga suliassannut akuliunnani nammineq akisussaaffini aalluttariaqarpai.
Sermitsiami saqqummertumi Kim Kielsen aamma borgemesterip Ole Dorphip isornartorsiorneranut akissuteqarpoq. Aviisi uani pisiarisinnaavat: