kunngikkormiut
Kim Kielsen kunngikkormiut nereqatigiinnerannut peqataassaaq
Belgiami kunngikkormiut pisortatigoortumik tikeraarneranut atatillugu Naalakkersuisut siulittaasuat Dronningimi nereqataassaaq
Annonse
Naalakkersuisut siulittaasuat Kim Kielsen (S) unnugu (danskit nalunaaqutaat malillugu) Dronning Margrethep assuarluni nereqatigiisitsineranut peqataassaaq.
Kong Philippep Dronning Mathildep Belgiamit pisortatigoortumik tikeraarnerannut atatillugu nereqataassaaq.
Belgiami kunngikkormiut Kastrupip mittarfianut qanittukkut tikeqqammerput, tassani Dronning Margrethemit tikilluaqquneqarput.
Ullup ingerlanerani ministeriuneq Lars Løkke Rasumussen nulialu Sólrun kiisalu Folketingimi siulittaasoq Pia Kjærsgaard naapissavaat.
Assuarluni nereqatigiinneq nalunaaqutaq 20 danskit nalunaaqutaat malillugu Christiansborg Slotimi pissaaq.
Tikeraarneq aqagu sisamanngornermi naammassineqassaaq.