isorliunerusut
Kim Kielsen allatut periuuseqarnissamik kajumissaarneqarpoq
IA isumaqarpoq suleqatiginnikkumannginnermik pasilliinissaq Kim Kielsenimut ajornanngippallaartoq allatullu periaaseqarnissamik kajumissaarneqarluni suleqatiginnik kusussutsimillu takutitsilluni
–Nunatsinni siuttutut sallersaasariaqarpoq kikkullu tamaasa suleqatigiinnissamik kajumissaarlugit ajornanngi naaraluni allat suleqatiginnikkusunnginne rannik pasillernagit. Uagut suleqatigiinnis samut piareersimavugut, Ane Hansen (IA) oqarpoq.
Inatsisartuni partiit illuatungiliuttut annersaata Inuit Ataqatigiit mamiasuutigaa Naalakkersuisut Siulittaasuat Kim Kielsen (S) siusinnerusukkut apersorneqarnermini Sermitsiamut oqarsimammat Naalakkersuisuusimasut siulii tassaasut Inuit Ataqatigiit Demokraatillu akisussaaffiit Namminersorlutik Oqartussaniit kommuninut ingertaleqqinneqarsimannginnerannut pisuusut.
Atuaruk: Kim Kielsen: Naalakkersuisoqatigiissimasut pisuupput
Akisussaaffiit
Kim Kielsen nassuiaavoq 2009-p tungaanut akisussaaffinnit 100-nit taamaallaat tallimat nuunneqarsimasut, nuussuinerillu unitsinneqartut aasaanerani 2009-mi naalakkersuisooqatigiit nutaat atuutilermata.
– Paaserusuppara akisussaaffiit suut 2014- ip naalerneraniit Siumut naalakkersuisuutitaqaqqilermat nuunneqarsimanersut. Maannakkorpiarli pingaarnerpaavoq paasiniassallugu qanoq ingerlariaqqissanersugut akisussaaffiillu kommuninut nuullugit, Ane Hansen oqarpoq.
Atuaruk: Wæver Johansenip nuussuinissaq illersorpaa: Nunarput aningaasanik sipaaruteqassaaq
Taanna nassuiaavoq kommunit 18-it sisamanngortinneqarnerannut atatillugu isumaqa tigiissutigineqartoq kommunit 2009-miit ukiut marluk siulliit atussagaat piareersarnermut allaffissornerlu inissillugu.
Naammaginanngitsoq
Nassuerutigaalu naammaginanngitsoq akisussaaffinnit 100-nit taamaallaat tallimat nuunneqarsimanerat suleqatigiinnerlu pitsaanerusinnaasimagaluartoq. Aalajangiusimavaali 2009-miit 2013-imut Naalakkersuisuusimasut annertuumik suleqatiginnikkusussuseqarsimasut.
Atuaruk: Siunnersuut: Nuummi suliffiit 600-t ukununnga nuussapput
Allaaserisaq tamaat Sermitsiami saqqummeqqammertumi atuaruk, taanna uani pisiarisinnaavat: