Aalisarneq
Kilisaatini inuttat kalaallit 90 procentiunissaat Enoksenip piumasaraa
Inuttaqarnermut tunngatillugu kilisaataatilinnut piumasaqaatit sukateriffiginiarlugit, Hans Enoksenip (PN) siornatigut nalunaarutigereerpaa. Maannalu kisitsisitaliivoq
Januaarip naalernerani aalisarnermut piniarnermullu naalakkerseruisup, Hans Enoksenip (PN) nalunaarutigaa, kilisaatini inuttat kalaallit amerlanerusariaqartut.
Atuaruk: GE: Enoksenip sukateriniarnera aaqqiissutissaanngilaq
- Kilisaatini inuttaqarnermut malittarisassat sukaterneqassapput, taamaalilluni kalaallit inuttat maanna 60 procentiusumit amerlanerulersinneqassallutik, Hans Enoksen, sapaatip-akunneri marluk matuma siorna ilisimatitsivoq.
Atuaruk: Enoksenip inuttaqarnermut inatsisit sukaterniarpai
Piffissami tassani kisitsisitalersuiumanngilaq.
Maannali Sermitsiamut saqqummiusserusuppoq.
Atuaruk: Enoksenip kalaallit kilisaatini amerlanerulersikkusuppai
– 80/20mik imaluunniit 90/10mik agguaanissamut sulissuteqarpunga, Hans Enoksen Sermitsiamut oqarpoq.
Suliaq aallartinneqareersoq, tusarniaasoqareerpallu ukioq manna naammassereersinnaasoq, aviisimut aamma oqaatigaa.
Atuaruk: Enoksenip Royal Greenland saassuppaa
Ullumikkut malittarisassat malillugit aqumiut tamarmik nunaqavissuussapput. Naalakkat (angallatip naalagaa, aquttoq, igasoq/pilittaq, qaavaniittunut aqutsisoq, tunisassiorfimmi pisortaq formandilu) minnerpaamik 60 procentii nunaqavissuussapput.
Sermitsiami sapaatip-akunnerani saqqummertumi, inuttat pillugit malittarisassat sooq sukatertariaqarneranik Hans Enoksen isumaqarnerluni nassuiaavoq