ilisimatusarneq
Kikkut siuaaraagut?
Danskit misissuisartut misissuinerisa paasitissavaat kalaallit kikkut siuaarissaneraat. Kalaallit ilaatigut danskinik siuaaqarnissaat qularutigineqanngilaq
Kalaallit pingaaruteqartumik oqaluttuassartaat misissorneqaleruttorpoq.
Kalaallit Nunaat Danmarkimut 1814-mili atassuteqaraluartoq danskerpassuit naluaat kalaallit kikkut siuaarineraat.
Allaat ilaatigut danskit amerlasuut naluaat kalaallit danskinut vikinginullu siuaaqartut.
Københavns Universitetimi misissuisartuisa kalaallit siuaavi misissuleruttorpaat.
Kalaallit Nunaata oqaluttuarisaanera Danmarkimut pingaaruteqartuunera pissutaalluni misissuisoqarpoq.
- Kalaallit amerlavallaartuunngillat. Inoqarfiit avinngarusimasuunerat pissutaavoq. Kalaallit naleqqussallaqqissusaat misissuinitta takutissavaa, Københavns Universitetimi Biologisk Institutimi postdoci Ida Moltke oqarpoq.
Det Frie Forskningsrådimit tapersersorneqartumit misissuileruttorpoq.
Kalaallit oqaluttuarisaanerat pingaartumik misissorneqassaaq.
Kalaallit Nunaanni 1200-mi inoqalersimassasoq naatsorsuutigineqarpoq. Eskimoqarsimanissaa aamma naatsorsuutigineqarpoq ukiut 3.500-t matuma siorna.
Inuit Siberiamit, Alaskamit Canadameersullu Kalaallit Nunaanniilersimanissaat naatsorsuutigineqartarpoq.
Vikingit Nunatsinnukarsimassasut ukiut 1000-it matuma siorna naatsorsuutigineqartarportaaq. Vikingit kalaallinut nuliarsartarsimanissaat tassani aamma naatsorsuutigineqartarpoq.
- Vikingit kalaallinut sunniuteqanngittoorsimanavianngillat. Sulili tamanna uppernarsivinneqarnikuunngilaq, Ida Moltke oqarpoq.
Kalaallit 4.500-t misissorneqartut
Ida Moltkep misissuinermini kalaallit 4.500-t DNA-vi misissuinermini nalilersorpai.
Misissuinermini paasiniassavaa kalaallit qanoq sunnersimatigineqarnerunersut.
Kalaallit europamiunit qanoq sunnersimaneqartiginersut aamma misissussavaa.
- Ukiuni 200-ni kingullerni kalaallit qanoq sunnertissimatiginersut misissussavara. Suleriaaserineqartoq nutaaq atorlugu misissuissaanga, Ida Moltke oqaluttuarpoq.
Ida Moltke misissuereeruni misissueriaaseq atukkani amerikami kujallermi misissuinissaminut atorumaarpaa.
Allaaserineqartoq Videnskab.dk-mit suliarineqarpoq Sermitsiaq.AG-mik suleqateqarnikkut. Allaaserisaq Kristian Sjøgrenimit allanneqarpoq