Maaji Nuan
Kikkut maajimi sanigornersaassappat?
Peqqissuunissaq Maniitsumi maajimi aamma malunnartinniarneqarniarpoq. Pilersaarut tamaat aajuk
Maniitsumi Maaji Nuan aamma pisussanngorpoq majip ingerlanerani pisussat assigiinngitsut pilersaarutigineqarlutik. Unammissutigineqartussat ilaat sanigorneqqusaanneq. Ajugaasut pinnatassaqarput.
Maaji Nuanimi aaqqissuussat sisamanngornermi aallartissapput tassanilu pisussat assigiinngitsut aaqqissuisunit nalunaaqutaq marlunut timersortarfimmi nassuiaatigineqassapput.
Pisussat ilagaat sanigorsaqatigiinnissaq.
- Kilonik katatsiniaqatigiit holditut inuttullu ataasiakkaatut unammissapput, holdit tamarmik tallimanik inuttaqassapput, holdi qanorluunniit inuttaqarsinnaavoq, soorlu suleqatigiit, ikinngutigiit allalluunniit, aaqqissuisut nalunaarput.
Peqataasussat nalunaarsorneqarlutillu sisamanngornermi oqimaalutarneqasssapput Maniitsumilu Maaji Nuannip naggataarneqarnerani arpannermi majip 31-ani oqimaalutarneqaqqissallutik
Aamma arpannerit pisuttuaqatigiinnerillu sapaatit akunnerisa ingerlaneranni pisassapput. Timikkulli peqqinneq kisimi pineqassanngilaq. Tarnikkut peqqissuuneq pillugu aamma marlunngormat oqallittoqassaaq oqaluffitoqqami pisussamik.
Aaqqissuussani assiginngitsuni peqataasut nalunaarsorneqartassapput. Naggataarnersiorluni maajip 31-at arpannissami makitsinikkut pinnatassanik agguaasoqarumaarluni.
Maaji Nuannimi Maniitsumi pisussanut pilersaarut linki talerpianiittoq atorlugu aasinnaavat