Sungiusaasumik soraarsitsineq
Kikkut KNAK siulersuisuinik tunuaqqusinersut takukkit
Isikkamik arsaannermik futsalimillu nunanut allanut unammisartut 20-t nunanut allanut unammisartuuginnassanerlutik eqqarsaatigaat. Tamanna pingasunngormat unammisartut nalunaarutaanni erserpoq, KNAK-milu siulersuisulli sungiusaasumik soraarsitsinerminnut iliuusaat pillugit tunuarnissaat aamma piumasaraat.
Sermitsiaq.AG-p pingasunngornermi nassiunneqartumi kikkut kaammattuuteqartuunersut takusimavaa. Unammisartut 20-t pineqarput.
Atii takukkit:
- Amos Rosbach
- Aputsiaq Birch
- Ari Hermann
- Frederik Funch
- Johan Bidstrup
- John Ludvig Broberg
- Lars Pavia Fritsen
- Loke Svane
- Malik Berthelsen
- Malik Juhl
- Mika Davidsen
- Maasi Maqe
- Nick Reimer
- Lars Erik Reimer
- Nikki Petersen
- Niklas Thorleifsen
- Norsaq Lund Mathæussen
- Patrick Otiri Frederiksen
- Anders H Petersen
- Gabriel Petersen
Affaat sinnerlugit timersoqatigiiffinnit Nuumminngaanneersuupput.
Unammisartut nunanut allanut unammisartunut sungiusaasup Tekle Ghebrelulip soraasinneqarneranut tunngavilersuutit aalassassimaarutigaat, kaammattuuteqarnerminillu ilaatigut ima allallutik:
- Matumuuna pisumi siulittaasut ingerlatsinerlunneranni nunanut allanut unammisartutut inissisimaannassanerluta eqqarsaatersuutigingaatsialerparput, neriuppugullu siulersuisut minitaqaratik tamavimmik tunuarlutik allanik nutaanik siulersuisoqalerumaartoq.
Aamma atuaruk: Nunanut allanut unammisartut peqataajunnaarnissartik eqqarsaatigaat