Island Games

Kiisami - Kalaallit Nunaat medalje-nattussanngorpoq

Badminton-ertartut Bror Madsenip Jens-Erik Nielsenillu Island Gamesimi finalimi Menorca-meersut unammissavaat

Bror Madsen (saamerleq) Jens-Erik Nielsenilu Island Gamesimi angutit iligiiaarneranni tallimanngorpat finalimi unammissapput. Assi holdip Danmarkimi sungiusaqatigiinneranit

Kalaallit Nunaat pinngitsoorani medalje-nattussanngorpoq.

Tamanna qularnarunnaarpoq Bror Madsen aamma Jens-Frederik Nielsen Island Gamesimi, Jerseymi ingerlanneqartumi, angutit iligiiaarneranni finalertussanngormata.

Ilaatigut Jerseymeersut sulakasuut, holdikkaarluni unamminermi ajorsarfigisimasatik, sæt-it marluk atorlugit ajugaaffigaat. Jens-Erik Nielsenip Bror Madsenillu unammissavaat Albert Navarro Gomes aamma Eric Navarro Gomes, Menorcameersut.

Finali tallimanngorpat ingerlanneqassaaq.

Arnat ataasiakkaarnermi
ingerlaqqinngillat

Akerlianik kalaallit arnartaat ataasiakkaarluni unamminermi sivikitsuinnarmik peqataapput. Anja Skov Kjeldsen aamma Iidui Broberg ottendedelsfinalimi ajorsartinneqarput, Sara Lindskov Jensen aappassaanik unamminermini ajorsartinneqarpoq, Cecilie Josefsenilu unamminermini siullermi ajorsartinneqarluni.

Ullumi angutit ataasiakkaarlutik unamminerat arnallu iligiiaarlutik unamminerat ingerlanneqassapput. Sisamanngorpat arnat angutillu iligiiaarlutik unamminerat ingerlanneqassaaq, tallimanngorpallu finalit ingerlanneqassapput.

Powered by Labrador CMS