Kigutigissaasunngortut

Sisamanngornermi kigutigissaasunngorniat ilinniagartik ukiuni marlunni ingerlatereerlugu naammassimmata nalliuttorsiutigineqarput.

- Arnat taakku inaarutaasumik misilitsinnerminni tamarmik angusarissaarput, Peqqissaanermik Ilinniarfik allappoq.

Ilinniarneq nunatsinni najukkani assigiinngitsuni kigutileriffinni sulinermik misiliinermik Nuummilu atuagarsornermik ingerlatsiviusimavoq.

Skolen for Klinikassistenter og Tandplejere, Københavns Universitetiminngaanneersut ilinniartunut ilinniartitsisuusimapput. Ilinniagaq Kalaallit Nunaani kigutigissaanermik suliaqarnissamut immikkut aaqqissungaavoq.

Kigutigissaasunngortuupput:

• Biibi-Tove Rethmar, Narsaq
• Elisabeth Kleist, Sisimiut
• Mannannguaq Egede Mathæussen, Nuuk
• Paneeraq Sandgreen, Aasiaat
• Pani Pipaluk Nathansen, Nuuk
• Tina Holm Fisker, Nuuk