namminersorneq

Kiffaanngissuseqarnissamik sorsuutiginninneq ingerlaqqippoq

USA Danmarkilu isertortumik nutaamillu sakkutooqarneq pillugu isumaqatigiissusiorsinnaapput. Taamaattumik kiffaanngissuseqarniarneq pillugu suliniuteqarneq sanngiillisarneqarani nukittorsarneqassaaq, Lars-Emil Johansen isumaqarpoq.

Kim Kielsen, Lar-Emil Johansen, Nationaldragt
Partiip siulittaasua Kim Kielsen akerleralugu Lars-Emil Johansen isumaqarpoq namminiilivinnissamik apeqqutip unikaallatsinnissaanut piffissaanngilaq.

Partiimi siulittaasuusimasup partiimi politikkimi pingaarneq pillugu paarlatsiminut oqalliseqarusunnera nalinginnaasuunngitsorujussuuvoq.

Tamannali maannakkut pivoq.

Lars-Emil Johansenip, 1987-imiit 1997-imut Siumumi siulittaasuusimasup, namminiilivinnissamik suliniuteqarnerup unitsikkallarneqarnissaanik Kim Kielsenip oqarnera isumaqatiginngilluinnarpaa.

Suliniarnermi tamanna - taamaallaat - qitornanut ernuttanullu tunniunneqassanngilaq. Lars-Emil Johansen malillugu tamanna sakkukilliallannagu ingerlatiinnarneqassaaq. Immaqa allaat sakkortusillugu.

– Kim Kielsenip Japanimiitilluni namminiilivinnissaq pillugu suliniarneq unitsissimappagu tamanna pillugu oqalliseqatigisinnaavara, Lars-Emil Johansen oqarpoq, Kim Kielsenip Asiamiilluni Danmarkimit avissaarniarnerup unitsikkallarnissaanik oqaaserisimasai innersuussutigalugit.

– Namminersulivinnissaq pillugu suliniarnerup unikaallatsinneqarnissaanut piffissaannngilluinnarpoq. Eqqissisimanerusumik ingerlanneqarnissaanut kinguartinneqarnissaanulluunniit. Akerlianik tamanna ingerlaannartariaqarpoq, Lars-Emil Johansen erseqqissaavoq.

AG-mi sapaatip akunnerani saqqummersumi annertunerusumik atuarit. taanna ataani pisiarisinnaavat. Sapaatip akunnerani tullermi tamanna sammineqaqqissaaq.

Powered by Labrador CMS