Naalakkersuisut
Kielsen Naalakkersuisut nutaat pillugit: Isertortumik pilersaarut
Kim Kielsenip maanna naalakkersuisooqatigiinnerup qiteqqunnerani Kalaallit Nunaat sooq nutaanik naalakkersuisunngortitsinersoq sukumiisumik nassiarpaa.
Nutaanik naalakkersuisuutitaqalernerup kingorna – Naalakkersuisullu nutaanik akisussaaffeqalernerisa – pisut eqqissiimipput.
Ersinngitsumililiuna susoqarsimasoq? Naalakkersuisooqatigiissimasut suleqatigiinnerani tassanngaannaq ajornartorsiuteqalernerup kinguneraa?
Naalagaat aperigaanni, naagga.
Tamanna qaammatit arlallit matuma siornatigut aallartittup sivisuumik ineriartornerup kingunerigaa, Kim Kielsen oqarpoq.
Atuaruk: Naalakkersuisunut ilaasortat nutaat aajuku
Aasarli
- Aasarli tamanna suliaraara. Naalakkersuisoqarfiit suliassaanni assigiinngitsut allanngortinniarlugit pilersaarutigaara. Taamanikkut titartarpakka, AG-mik oqaloqateqarnermini oqaluttuarpoq nangillunilu:
- Taamanikkut tamaasa allap puuanut ikivakka.
- Tatineqarnikkut taamaaliunngilatit?
- Naagga, kisiivimma isumassarsiaraara. Uanga siulittaasutut Naalakkersuisut katitigaanerat akisussaaffigaara. Suliassaqarfiit agguaannissaat aalajangerpara, taamalilluta assersuutigalugu komminit allatut inissillugu. Kommunit aaqqissuuteqqinneqarnerannut sulineq isorliunerusunilu ineriartortitsineq unittoorsimapput. Attaveqarnikkut aamma ingerlariaqquttariaqarpugut.
Atuaruk: D: Susassaqarfiit sooq taama amerlatigippat?
Demokraatit isornartorsiuinerat paasinngikkaa
- Aamma Suka K. Frederiksen Naalakkersuisunut ilaasortanngorpoq nunalerinerup ineriartornissaa pingaartillugu. Anguniagaavoq immitsinnut pilersorsinnaanerulernissarput; taamaattumik suliassaqarfik taanna isiginiarnerusariaqarparput.
- Demokraatit oqarput suliassaqarfimmut tassunga attuumavallaartoq nammineq nunalerinermik inuussutissarsiuteqarmat. Tamanna qanoq iliuuseqarfiniarpiuk?
- Uanga aamma aalisartuuvunga. Uangami? Taamatut isornartorsiuineq paasisinnaanngilara.
Namminersulivinnissamut naalakkersuisuunissaa aamma illit isumassarsiaraajuk?
- Aap, tamakkiisumik.
Atuaruk: Naalakkersuisunngorlaaq: Namminiilivinnissaq angorusuppara
Allaaserisaq tamaat aviisimi AG-mi atuaruk. Aviisi uani pisiarinissaanut periarfissaqarputit: