Nal. 11.00:

Kielsen apeqqutinut akissuteqassaaq

Tusagassiortunut katersortitsinermi Sermitsiaq.AG atuartartuminut toqqaannartumik malinnaatitsissaaq.

Kim Kielsen, formand for Naalakkersuisut
Kim Kielsen ulluni kingullerni pisut qanoq isummerfiginerlugit ullumi saqqummiutissavai

Naalakkersuisut siulittasuat Kim Kielsen ullaaq manna tusagassiortunut qaaqqusivoq.

Nunanut allanut tunngasunut naalakkersuisup Vittus Qujaukitsup Danmarki suleqatigineranut isornartorsiuineranut oqallisaangaaqisumut siulittaasumut apeqqutigineqartut ilaatigut akissuteqarfigissallugit. Isornartorsiuineq Siumumi siulittaasuusimasunit taperserneqartoq Kim Kielsenip tapersinngilaa.

Taamaattumik Siumumi Naalakkersuisunilu suleqatigiinneq aamma apeqquserneqarpoq.

Arktisk Forumimi Quebecimi Canadami ingerlanneqartumi Vittus Qujaukitsoq aamma tupaallatsitsivoq. Tassani amerikami aqutsisunngortussanut suleqatigiumanninnini suaarutigigamiuk.

Kangilinnguit Kineserinit aamma pisiariumaneqarnera pillugu apeqqutit suli akineqanngillat. Kangilinnguit ammaqqinneqarneranut danskit tusagassiivii malillugit tammanna pissuteqarnerarneqarpoq.

- Ulluni kingullerni angalanermi nalaani tusagassiortunit apeqqutit assigiinngitsut takkussuussimasut akineqarnissaannut periarfisseerusulluni aggersaavoq, Naalakkersuisut tusagassiuutinut qaaqqusinerminni taama allapput.

Sermitsiaq.AG tusagassiortumik peqataatitsissapput.

Powered by Labrador CMS