Nioqqutissiassat
Kiatsinnerulerpat uillut amerlissapput
Ilisimatuup Kalaallit Nunaanni issittumi uillut misissuiffigisimavai, aammalu silaannaap allanngoriartorneranit siaruartarnerinut sunniuteqartarnersoq
Jakob Thyrringip, Arctic Research Centremeersoq Aarhus Universitetiani, Kalaallit Nunaannit uillut pillugit ph.d-mik suliani illersorpaa.
Uillut pillugit sinnerissami ukiuni arlalinni misissuisarsimavoq. Silaannaallu kissakkiartorneranit imaq kissarnerulerpat uillut amerliartornissaat ilaatigut inerniliussimavaa.
- Inernerit ersarissumik takutippaat uillut siaruartarnerinut issi ulittarnerlu isumaqartupilussuusut. Siunissamilu Issittoq kiannerulernera ilutigalugu uillut Issittumi takussaanerulissasut, Jakob Thyrring, Sermitsiaq.AG-mut paasissutissiivoq.
Atuaruk: Aallartitsisoq qunusuitsoq qeqqussanik tunisassiulerniarpoq
Uumasoq ataasiinnaanngitsoq
Ilisimatooq timerpassuit laboratoriami sinerissamilu ilaatigut Upernavimmi atorsimallugit. Taassuma misissuinerata takutippaa uillut ilimagisamit assigiinngitsuusut.
- Issittumi ukiuni hunnorujukkuutaani ilisimatuut isumaqarsimangaluarput uilluni arti ataasiinnaasoq, kisiannilu maanna paasinarsivoq nunarsuup avaannaarsuani uillut assigiinngitsuusut. Issittumi misissuinitsinni arti ataasiinnaanngitsoq pingasuusulli paasisimavarput. Assersuutigalugu Kalaallit Nunaata Kujataani, uiloq M. edulis takussaaneruvoq, Avannaanilu arteqataa M. trossulus takussaanulluni, Jakob Thyrring inerniliivoq.
Atuaruk: Uiloq pillugu paasissutissat
Jakob Thyrringip Kalaallit Nunaanni ilisimatusarnermini inernera professorinut USA-meersuniit, Tuluit Nunaanneersunit Danskinullu ullumi saqqummiuppaa.