Sporløs
Kender du ham? Ujajaanermi suli paasisaqartoqanngilaq
Nuussuarmi Brugseneeqqami angut ujajaasoq suli tigusarineqanngilaq
Annonse
Nuummi Politiit suli aalajangiisuusumik paasisaqanngillat Nuussuarmi Brugseneeqqami marlunngormat unnukkut 21.30 missaani ujajaanermut atatillugu.
Tassani angut kiinarpalerluni Atertami pisiniarfeeqqamut iserpoq aallaammillu igeriarluni aningaasat tigoriarlugit qimaalluni.
Nuummi Politiini pigaartoq oqaluttuarpoq ikittunik saaffiginnittoqarsimasoq, sulili saaffiginninneq aalajangiisuusoq amigaatigalugu.
– Inuit killisiorneqarput, arfininngormalli ullaap tungaani suli tigusaqarsimanngilagut, Nuummi Politiini pigaartoq Sermitsiaq.AG-mut oqaluttuarpoq.
Tallimanngormat politiit video ujajaanermik imalik tamanut saqqummiuppai. Video takusinnaavat uani
Nuummi inuit politiit ikiorsinnaagunikkit uunga sianersinnaapput 70 14 48.