Kemimi VM
Kemiolympiademi bronzennattoq
Nanortalimmiu Laurids Abelsen Holm Azerbaijanimi kemiolympiadeqarnerani bronzennappoq
20-nik ukiulik Laurids Abelsen kemiolympiademi bronzennappoq.
Ilinniarnertuunngorniarfimmi atuaqatini peqatigalugit Azerbaijanip illoqarfiisa pingaannersaanni Baku-mi unammeqataavoq juulip naanerani.
Laurids Abelsen Holm kalaallini siullersaalluni kmiolympiademi peqataavoq.
- Ukiuni 16-ni Nanortalimmi najugaqarpunga, ukiunilu kingullerni sisamani Danmarkimiittuullunga. Aarhus Universitetimi kemimi bacheloritut ilinniarnera aggustimi aallartissavara, Laurids Abelsen Holm Sermitsiaq.AG-mut oqarpoq.
Skandinaviami bronze
Nyborg Gymnasiumimi siullermik unammisitsisoqarnerani ingerlaqqereernermi kingorna VM-imut peqataasimalluni oqarpoq.
- Peqataalluni nuanneqaaq, ikinngutitaartorpunga, aamma peqataanera siunissami iluaqutigissavara, Laurids Abelsen Holm oqarpoq.