tuavi
Katuaq: Paddy Kellyp tusarnaartitsinissaanut isissutissat nungulerput
The Kelly Familymi tusarnaartitseqataasarnikup Nuummi Katuami tusarnaartitsinissaa soqutigineqarluarpoq
Paddy Kellyp Nuummi kulturikkut illorsuarmi Katuami septembarip aqqarngani tusarnaartitsisussaanera soqutigineqarluarpoq.
Katuami aaqqissuussisup Minik Hansen oqaatigaa tusarnaartitsinissamut isissutissat nungungajalersut. Isissutissat ippassaq tuniniarneqalerput, Hans Lyngep inersuaanilu tusarnaartitsissalluni.
- Isissutissanik tuniniaaneq ingerlalluarpoq. Inersuup qulaatungaani kisimi inissaqalerpoq. Isissutissani 518-ini isissutissat suli 119-it amigaatigineqarput, Minik Hansen Sermitsiaq.AG-imut oqaluttuarpoq.
Katuami tusarnaartitsinissaq sakkortusaasersugaanngitsumik pissaaq qulequtaqarluni ’Solo & Unplugged’ tassanilu Paddy Kelly kisimiilluni tusarnaartitsissaaq. Erinarsuutip ’An Angel’ anaanani Barbara Kelly 1982-mi toqusoq pillugu taalliaraa, taanna nunarsuaq tamakkerlugu ilisimaneqarpoq. Tassungalu Paddy Kelly erinarsuummik ’An Angel’-mik sanasuuvoq.