Katsorsaavik
Katsorsaavik nutaaq Nuummi ammangajalerpoq
Aanngajaarutinik aningaasanoorajunnermillu pinngitsuuisinnaanngitsunut katsorsaavik nutaaq sapaatip-akunnerata tulliani Nuummi aammaanersiorneqassaaq.
Sapaatip-akunnerata tulliani Naalakkersuisut inunnik aanngajaarutinik aningaasanoorajunnermillu pinngitsuuisinnaanngitsunut katsorsaavimmik nutaamik ammaassapput, Allorfik Sermersooq.
Atuaruk: Qaqortumi atornerluisunut katsorsaavik ammaanersiorneqarpoq
Katsorsaavik Nuussuarmi inissisimassaaq.
Kommunini tamani katsorsaaviit
Atoqqaartitsineq Peqqissutsimut Naalakkersuisup Agathe Fontainip katsorsaavik nutaaq apriilip 30-anni nal. 14 ammaanersiussavaa, katsorsaaviup Kommuneqarfik Sermersuumi inunnut imigassamik hashimik aningaasanoornermillu pinngitsuuisinnaajunnaarsimasut kiffartuutissavai.
Ammaanersiortoqareerpat nalunaaqutaq 14:00-17:00 tungaanut kaffillertoqassaaq, oqalugiartoqassaaq, nipilersortoqassaaq aliikkusersuisoqarlunilu, tassani kikkut tamarmik tikilluaqqusaapput.
Tassalu Allorfiup katsorsaaviata aappaa ammassaaq, siulleq katsorsaavik Kommune Kujallermi ukiormanna marsimi atoqqaarfissiorpoq.
Siunissami pilersaarutaavoq kommunit tamarmik katsorsaaveqalissasut.